影片
更多
2018-01-22
166 瀏覽
蒲開黑布街嘅人都知Tap有一系列嘅本地手工啤酒，但係嘢食嘅選擇就有限。近排知道隔離Cheers亦都係主打本地手工啤酒，就轉場去試吓。老闆Cruz本來係一個西廚。澳洲回流番香港之後接觸本地手工啤，然後就開咗Cheers。Cruz對於本土啤酒嘅堅持唔止係本地品牌，而且係本地人做brewmaster。雖然tap唔多，但種類繁多有IPA, Ale, Porter等，適合鍾意唔同口味嘅朋友！嗰日Cheers新番咗本地第一隻Cider，聽落已經覺好飲！不過我自己就揀咗香港同樣少見，我嘅摯愛Saison生啤Taps：數量唔多，但應有盡有，仲要全部本地薑！大圍•叄Saison啤酒有老闆精心挑選，但不能忽略嘅係佢嘅小食！十二款選擇唔算話多，但一睇Menu就知每樣都花過心思去設計！每個菜式都結合本地特色同世界美，盡顯香港美食天堂嘅風範！十二道滋味！沙沙豬西真係一個好親切嘅名。平時豬西真係避之則吉，但呢個豬西唔食真係對唔住自己！西多士嘅外表，包住沙薑豬肉醬，咸食惹味！雞同鴨「港」以西檸雞同片皮鴨做藍本。西檸雞用新鮮檸汁煮成，無平時出面咁artificial嘅味。生菜放底平衡咗雞鴨嘅油脂，入口有清新嘅感覺！小
老闆Cruz本來係一個西廚。澳洲回流番香港之後接觸本地手工啤，然後就開咗Cheers。
Cruz對於本土啤酒嘅堅持唔止係本地品牌，而且係本地人做brewmaster。雖然tap唔多，但種類繁多有IPA, Ale, Porter等，適合鍾意唔同口味嘅朋友！嗰日Cheers新番咗本地第一隻Cider，聽落已經覺好飲！不過我自己就揀咗香港同樣少見，我嘅摯愛Saison
生啤Taps：數量唔多，但應有盡有，仲要全部本地薑！
大圍•叄Saison
啤酒有老闆精心挑選，但不能忽略嘅係佢嘅小食！十二款選擇唔算話多，但一睇Menu就知每樣都花過心思去設計！每個菜式都結合本地特色同世界美，盡顯香港美食天堂嘅風範！
十二道滋味！
沙沙豬西真係一個好親切嘅名。平時豬西真係避之則吉，但呢個豬西唔食真係對唔住自己！
西多士嘅外表，包住沙薑豬肉醬，咸食惹味！
雞同鴨「港」以西檸雞同片皮鴨做藍本。西檸雞用新鮮檸汁煮成，無平時出面咁artificial嘅味。生菜放底平衡咗雞鴨嘅油脂，入口有清新嘅感覺！
小西灣軍師雞係源自喺小西灣擺檔嘅軍師炸雞。炸粉，餣料同醬料都係自家製。炸粉薄得黎夠脆，仲好貼皮肉，其他舖頭無得比。味粉帶少少微辣，個甜酸醬汁平衡咗啲辣味。雞柳多汁，內脆外軟，必試！
坐喺Cheers一邊聽住七八十年代嘅廣東歌，一路享用美食同本地啤酒，享受一個本地在地嘅夜晚：Cheers係你必去嘅地方
張貼
