影片
更多
2025-08-05
0 瀏覽
一排冇嚟食, 連名都改埋, 一入到去, 格局有D似松屋, 好多自閉位。 樓面改半自助, 順便減人手, 講得通既, 身為顧客都理解! 炯記馳名燒鵝、叉燒、手撕雞, 老實講, 餐牌加咗個牛肉飯, 我無興趣試。炯記有需要洗底咩? 唔覺得要。 如果係順便改變形象, 還可算講得通。但個人覺得, 唔需要扮日式。 佢地做開傳統野, 仲做得咁好, 已經有本錢將傳統野打造成香港傳奇品牌, 好似「獎門人禮餅」咁做法。講返個餐, 我照舊食麻辣手撕雞配太子鵝油撈粗, 凍飲唔洗加幾蚊, 價錢58蚊, 即係冇乜加價? 印象中, 正價套餐 (非下午茶) 好似係57蚊 (凍飲要加錢), 咁即係只加咗一蚊? 份量有冇少到? 好似冇... 真係? 似乎份量同以前下午茶餐差唔多, 不過多咗碟小食, 即係陰D陰D, 加咗價你都唔知😝 隔籬枱叫半隻手撕雞跟飯, 睇落大大碟, 咪理佢有無少到, 至少睇落一定夠飽。 跟住有人入嚟叫外賣半隻手撕雞, 見到都仲係塞滿一個外賣盒, 搭埋雞殼舊骨, 依然賣48蚊。到底有冇少到? 記得以前係唔搭雞殼舊骨既, 成盒雞只有原隻雞翼個幾條骨。手撕雞水準依舊, 一樣咁好食, 麻辣初入口唔太辣, 不過
炯記馳名燒鵝、叉燒、手撕雞, 老實講, 餐牌加咗個牛肉飯, 我無興趣試。炯記有需要洗底咩? 唔覺得要。 如果係順便改變形象, 還可算講得通。但個人覺得, 唔需要扮日式。 佢地做開傳統野, 仲做得咁好, 已經有本錢將傳統野打造成香港傳奇品牌, 好似「獎門人禮餅」咁做法。
講返個餐, 我照舊食麻辣手撕雞配太子鵝油撈粗, 凍飲唔洗加幾蚊, 價錢58蚊, 即係冇乜加價? 印象中, 正價套餐 (非下午茶) 好似係57蚊 (凍飲要加錢), 咁即係只加咗一蚊? 份量有冇少到? 好似冇... 真係? 似乎份量同以前下午茶餐差唔多, 不過多咗碟小食, 即係陰D陰D, 加咗價你都唔知😝
麻辣手撕雞配太子鵝油撈粗
$58
0 瀏覽
0 讚好
0 留言
隔籬枱叫半隻手撕雞跟飯, 睇落大大碟, 咪理佢有無少到, 至少睇落一定夠飽。 跟住有人入嚟叫外賣半隻手撕雞, 見到都仲係塞滿一個外賣盒, 搭埋雞殼舊骨, 依然賣48蚊。到底有冇少到? 記得以前係唔搭雞殼舊骨既, 成盒雞只有原隻雞翼個幾條骨。
手撕雞水準依舊, 一樣咁好食, 麻辣初入口唔太辣, 不過食到尾都真係辣, 怕辣既可以叫小辣。 照舊手撕雞墊底會用條生菜, 喜出望外地非常新鮮爽脆😋
麻辣手撕雞
0 瀏覽
0 讚好
0 留言
太子鵝油撈粗係炯記招牌菜, 唔想食麵, 可以叫飯或者腸粉。
太子鵝油撈粗
0 瀏覽
0 讚好
0 留言
而家變咗麵豉湯跟餐, 我伶願係以前既老火例湯。
味噌湯
0 瀏覽
0 讚好
0 留言
認字特警👮♂️ 係味「噌」湯至啱
小食... 我覺得係畫蛇添足🥲 不如俾多少少主菜、或者多少少飯/麵/腸粉仲好。 有日式豆腐、泡菜、同埋我揀咗既酸辣雲耳, 唔好食, 無辣味, 同埋鹹返少少會有味D, 而家淨係食到酸味。
酸辣雲耳
0 瀏覽
0 讚好
0 留言
凍檸茶改咗用紙杯, 冇咗長鐵羹幫手, 深不見底, 好難篤檸檬😒 枱面有七味粉任加唔嬲, 扮日式扮得徹底。
告示貼到周圍都係, 叫人食完要自已清場。 香港人習慣係點? 即刻有人做俾我睇。
當然亦有好多人識自動自覺, 包括我。
結論: 重新包裝後既炯記, 依然可以繼續捧場。招牌菜冇走樣, 不過要食牛肉飯唔會揀佢囉! 附近又有「日文字」過江龍牛肉飯...
紙巾提供: 無
廁所狀況: 無去過
溫飽指數: ***
回味指數: ****
翻兜指數: ***
張貼
