882
75
57
等級2
26
0
本來好地地，食完一肚氣！
2017-01-31 322 瀏覽
新年同朋友食飯講起想食泰國菜，不嬲都有留意Openrice人氣高企嘅呢間薄荷葉泰國菜，見佢年初一到年初四都有開，終於有機會黎試試！Book左6點鐘食晚飯，時間尚早所以一入去都唔洗等位，坐低後我地就點左馬拉盞炒通菜、炸蝦餅、黃金蛋沙律、肉碎生菜包、泰式炒金邊粉同埋廚師特色蝦醬炒飯，野飲就叫左一個黑加侖子梳打、椰青同埋見佢依家有麒麟生啤嘅新味(青瓜、提子、蜂蜜、蜜柑同水蜜桃)，所以又叫左一杯提子一杯水蜜桃嘅麒麟生啤。野食賣相討好，味道亦都不錯，份量適中；黃金蛋沙律嘅黃金蛋係炸蛋黎，食落幾得意；炸蝦餅有八件，用酒杯上下面有啲菜伴碟，配泰式辣醬食落幾香口；蝦醬炒飯有個蛋絲網包住，上面再串住一塊魔鬼魚乾脆脆，自己炒勻佢，大大碟，有得玩有得食；其他炒通菜、炒金邊粉同生菜包都算合格；另外上菜嘅哥哥仔仲會簡介一下啲食材點樣配搭，感覺不錯。提子味同水蜜桃味麒麟生啤上面有一層厚厚類似思樂冰嘅東西，好新奇，提子味唔算太突出，有小小芬達提子味，而水蜜桃味道就出啲，比較好。幾個人傾下食下，好快枱上面嘅食物就食得七七八八，啲staff亦都好快手幫我地執左啲碟，淨番4杯野飲，望望個鐘依家先係6點45分，即係我地其實
更多
新年同朋友食飯講起想食泰國菜，不嬲都有留意Openrice人氣高企嘅呢間薄荷葉泰國菜，見佢年初一到年初四都有開，終於有機會黎試試！Book左6點鐘食晚飯，時間尚早所以一入去都唔洗等位，坐低後我地就點左
馬拉盞炒通菜、
炸蝦餅、
黃金蛋沙律、
肉碎生菜包、
泰式炒金邊粉同埋
廚師特色蝦醬炒飯，野飲就叫左一個黑加侖子梳打、椰青同埋見佢依家有麒麟生啤嘅新味(青瓜、提子、蜂蜜、蜜柑同水蜜桃)，所以又叫左
一杯提子一杯水蜜桃嘅麒麟生啤。野食賣相討好，味道亦都不錯，份量適中；黃金蛋沙律嘅黃金蛋係炸蛋黎，食落幾得意；炸蝦餅有八件，用酒杯上下面有啲菜伴碟，配泰式辣醬食落幾香口；蝦醬炒飯有個蛋絲網包住，上面再串住一塊魔鬼魚乾脆脆，自己炒勻佢，大大碟，有得玩有得食；其他炒通菜、炒金邊粉同生菜包都算合格；另外上菜嘅哥哥仔仲會簡介一下啲食材點樣配搭，感覺不錯。提子味同水蜜桃味麒麟生啤上面有一層厚厚類似思樂冰嘅東西，好新奇，提子味唔算太突出，有小小芬達提子味，而水蜜桃味道就出啲，比較好。
水蜜桃味麒麟生啤
$70
15 瀏覽
0 讚好
0 留言
 幾個人傾下食下，好快枱上面嘅食物就食得七七八八，啲staff亦都好快手幫我地執左啲碟，淨番4杯野飲，望望個鐘依家先係6點45分，即係我地其實食左9個字，就喺呢個時候本來對間餐廳不錯嘅印象突然大打折扣！
有個阿姐員工走黎同我地講「你地啲野食哂啦何？埋左張單先得唔得？」咁我諗，可能佢地想快手埋左單先，等我地一走下一枱客就可以即刻過黎，抱住你好我好嘅心態我都話OK無問題，因為新年關係要加二，加埋$876。埋完單之後就繼續飲埋杯野啦，頭先都講，因為我地食左9個字，其實每人手上杯野飲都仲有半杯未飲，而且又叫左生啤，食餐飯啫，咁梗係唔會一啖飲哂佢啦。點知過多5分鐘，個阿姐員工又走埋黎，好惡咁話「我有客喺出面等緊！」
嘩，阿姐你冇野嘛，你有冇試過去間餐廳食飯食左9個字會俾人趕走呢？我就未試過啦，就算你間餐廳其他地方做得再好，你有一個咁嘅員工幫你倒米，客人之前嘅所有體驗都一掃而空啦，至少我嗰刻個心第一樣諗到嘅就係「呢間冇下次」。
當然新年流流我都唔想同佢霎氣，唯有即刻「隊」左淨低嘅半杯生啤而不失霸氣地離場抗議，喺度俾個建議大家，呢到啲野食係唔錯嘅，但係你就唔好食得咁快啦，慢慢食，如果唔係難保你櫈都未坐暖就俾人一野「轟」出去啦。
題外話/補充資料： 由於本身冇打算寫食評，唔係遇到不禮貌待遇都唔會寫，所以冇影到乜相只有啤酒相片一張。
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
1 已推介
    張貼
    評分
    味道
    環境
    服務
    衛生
    抵食
    用餐日期
    2017-01-31
    用餐途徑
    堂食
    人均消費
    $175 (晚餐)
    推介美食
    水蜜桃味麒麟生啤
    $ 70