茶星人 (祥華市場) (已結業)

咁岩去開粉嶺呢頭探朋友，走之前見口渴，自己本身有好鍾意飲珍珠奶茶，就睇下附近有無珍珠奶茶舖，見附近最近係呢間，仲要見好似幾多好評，就即管試下黎到見到餐牌都幾多選擇，不過始終想飲珍珠奶茶，但發覺個餐牌原來係無珍珠奶茶選擇，淨係得黑糖珍珠，但我本身唔好黑糖味，如果要飲珍珠奶茶就要揀一款茶再另外加珍珠先得，我揀左炭燒奶茶再加珍珠，已經係最平既珍珠奶茶配搭，大杯裝要成$24+$5珍珠=$29，都幾貴，但心諗貴d又多好評，應該好飲既，所以照買，點知中唒伏！杯奶茶完全茶又無茶味，奶又無奶味，基本上係唔知自己飲緊乜，仲要口感好怪，飲落唔順喉，d珍珠又唔彈牙無咬口感又無黑糖味，真心仲難飲過快餐店既珍珠奶茶，未飲過咁難飲既珍珠奶茶，但要成$29，真心唔值，難飲到飲左一半忍唔住掉左可能呢間舖真係只係出名係水果茶，見其他人幫襯既都買水果茶類或者芝士雪沙類，或者會去開其他分店時再試下，但奶茶類真心真係唔建議飲！