神田日式創作料理 (已結業)

情人節同女友黎左呢間餐廳食飯，其實之前黎過呢度食野，都覺得幾好味，所以就"戴"女友黎。不過今次就無平日o既特價壽司(T^T)，禁我就嗌左一個吞拿魚刺身同埋一個三文魚刺身，其實唔係好想嗌三文魚刺身，因為上次黎過，佢地d三文魚刺身做半價優惠，呢日就無，無辦法，女人鍾意食。三文魚刺身同以前無咩分別，ok啦!原來吞拿魚刺身係好正嫁(@.@)我都係今次先知。令外叫左一個明太子波菜同泡菜海鮮鍋，明太子波菜，有好多明太子，咸左少少，但係又好好味，真係抵死。個泡菜海鮮鍋有個爐燒住，好過癮，暖笠笠，因為今日好凍。女朋友又話想食飯，禁我就問個waiter，有咩飯好食。禁佢就話:試下豬扒飯啦!waiter就話佢地o既豬扒係自家製o既，第二度食唔到，禁我就嗌左一個。唔知係咪多人o既關係，等左好Q耐，個豬扒飯黎左，我望落去同其他豬扒飯無咩分別，但係食落就好特別，同其他o既豬扒真係好唔同，咬落去好鬆化，口感好特別。 整體上黎講，呢餐飯都無令我失望，因為女朋友都話好食。