影片
更多
2014-06-07
521 瀏覽
過去紅磡搵幾個老友食晚飯，大家都冇乜意見唔知食乜嘅時間，行到簡陋後後巷崇志街見到裝修”是”正，環境整潔嘅私房火鍋店。原來依間火鍋都喺新開無耐，其中一個老闆親自招呼我哋，仲推介咗幾度特色出品俾我哋添。真喺唔講唔知，小弟一直都唔知”蜑”依個字點讀，原來喺讀旦或鄧，蜑家人即喺水上人嘅稱呼，喺香港其早期開埤其中一種特色嘅生活文化。作為 80 後嘅我，真喺估唔到難得仲有機會試到正宗嘅蜑家菜。因為老闆好鍾意出海釣魚，舖頭大部嘅海鮮都喺釣返嚟，絕對唔喺漁排自養或落網網返嚟！我好奇咁問老闆釣返嚟嘅魚同養魚或者網魚有咩分別呢？老闆就話食過就知，所以今次老闆拍板，由佢話事叫咗幾度出品，包括《厚砌野生鱆魚刺生》、《厚砌野生紅廣刺身》、《秘製辣雞鍋》、《艇仔蒸三寶》、《煎咸碼頭》。因為喺野生嘅鱆魚，肉質比較彈牙，而且好有魚味，同喺日本壽司店食到嘅魚生完全唔同口味。唔需雪凍都食到鱆魚嘅新鮮。第二條刺生喺紅廣魚！聽老闆講，紅廣魚本身爆炸力強，運動量高，肉質更彈牙。咬落真喺“索索聲”！食完依兩度餸發覺其實食魚生，唔一定只食日本魚！老闆話佢地嘅雞煲又喺主打，好就問喺咪四川重慶雞煲咁架？佢又賣關子咁話，你食過咪知囉！味
原來依間火鍋都喺新開無耐，其中一個老闆親自招呼我哋，仲推介咗幾度特色出品俾我哋添。
真喺唔講唔知，小弟一直都唔知”蜑”依個字點讀，原來喺讀旦或鄧，蜑家人即喺水上人嘅稱呼，喺香港其早期開埤其中一種特色嘅生活文化。作為 80 後嘅我，真喺估唔到難得仲有機會試到正宗嘅蜑家菜。
因為老闆好鍾意出海釣魚，舖頭大部嘅海鮮都喺釣返嚟，絕對唔喺漁排自養或落網網返嚟！
我好奇咁問老闆釣返嚟嘅魚同養魚或者網魚有咩分別呢？老闆就話食過就知，所以今次老闆拍板，由佢話事叫咗幾度出品，包括《厚砌野生鱆魚刺生》、《厚砌野生紅廣刺身》、《秘製辣雞鍋》、《艇仔蒸三寶》、《煎咸碼頭》。
因為喺野生嘅鱆魚，肉質比較彈牙，而且好有魚味，同喺日本壽司店食到嘅魚生完全唔同口味。唔需雪凍都食到鱆魚嘅新鮮。第二條刺生喺紅廣魚！聽老闆講，紅廣魚本身爆炸力強，運動量高，肉質更彈牙。咬落真喺“索索聲”！食完依兩度餸發覺其實食魚生，唔一定只食日本魚！
老闆話佢地嘅雞煲又喺主打，好就問喺咪四川重慶雞煲咁架？佢又賣關子咁話，你食過咪知囉！味道真喺完全唔同，完全唔喺麻辣雞煲，但依然有種好搶口的辣，只喺一舊細細嘅雞肉，都滿口火辣，非常“吊”味同有特色。
咁咩叫三寶呢？原來喺蝦乾、蟮仔乾、撻沙仔乾！原來蜑家人整咸魚的方法，同我地一向食開都好有唔同。海鮮一上水就即刻風乾，不經雪凍或拖水。所以食到嘅咸香真喺零舍不同。
開頭心諗，唔喺九肚魚呀？原來喺碼頭魚，老闆話依度餸一定用手食，因為太多碎骨，而且用手先可以及拉到中間條主骨出嚟。果真如此喎，而且用手食先食到果種風味，跟住仲啖啖肉添！碼頭魚煎起嚟完全唔似九肚魚咁散，肉質結實，而且咸度適中，送酒一流。因為屋企人好少食海鮮，所以一直都唔識啲海鮮名稱，唯一只喺識食。所以今餐除咗食咗好多好味嘅海鮮之外，仲可以識到好多關於海洋嘅知識！
張貼
