港口味冰室 (已結業)

未食完就趕客！不再一試！諗住同老公去食個brunch，佢叫咗個早餐set我叫咗個好耐無食嘅焗豬。佢個早餐set當然好快手到，正正常常一個港式早餐咁樣。我個焗豬要焗，所以等得耐少少，當個焗豬到我老公都就食完。焗豬無蕃茄味，但係普通蒜蓉汁味道，好奇怪。50蚊我寧願食返普通快餐都無嬲。然後因爲都開始人多，佢地問我地要唔要搭枱，我地話好快食完就走，因為其實都食左差唔多一半，佢就無理我地走左。但轉頭又搵第二個黎直接叫我地坐埋一邊，我地話我地就食完會走，然後佢就好似好唔耐煩行開左。有無再離譜啲，我連一半都未食完就催我地走。我今次堅嬲，所以無食哂就走左。