火山石石鍋手打烏冬專門店 (已結業)

今次係小妹第一次寫食評，各位多多指教小妹一直都鍾意食烏冬，前幾日上openrice發現依間評語都唔錯既"火山石"..所以今日放假就同男友2個黎試下去到都有唔少人等緊，侍應姐姐只係問左我貴姓/電話/幾位..佢仲話2位好快會有位，之後我地一直係門口等...等左半個鐘之後，發現有等緊既客人走左，一心諗住佢會俾下一位入去..點知佢去打電話俾走左既客，同佢地講:「依家有位嫁啦，你們可以行返黎啦!」我當堂呆左，之後有2-3次同樣事情發生我就開始激氣，原來有咁既點解唔一早同我地講可以行下街先?? 要我地個門口熱住咁等左9個字???正式講返先: 燒極上牛肉手打烏冬 ($52): 烏冬幾煙韌 / 牛肉味唔重，食落有d韌 / 湯底okay，唔算濃，食到最尾一兩條烏冬都仲出晒煙嫁 一口極上黑豚燒 ($42): 外脆內軟，d汁又好味 7味照燒雞翼 ($28): 加7味粉好惹味，d雞肉好滑，正!! 築地玉子燒 ($35): 入面有好多芝士，我鍾意滑滑朱古力 (食烏冬加$6): 普普通通，冇乜特別食物總括黎講好滿意不過真係要改善下等位準則打電話call客係好，不過可唔可以差唔多到就call定佢地黎呢??