影片
更多
2010-04-28
24 瀏覽
同朋友兩個人，原本打算去食酸辣粉，但都棄權左。行過女人街，見到『首爾』，新開啵。 見門口個牌既『一口豆腐』幾吸引，就入左去啦。一坐低....哇....餐牌唔算多野。 但十樣有九樣都冇。好彩樣樣都係飽肚，當做唔食小食囉......叫左 海鮮炒年糕 $48 & 泡菜烤肉鍋$45。(埋單 $102, 有加一？)一上枱, 果然係小食....炒年糕係 街口 $5 腸粉 既份量。所謂既海鮮，係3-4 片鳴門卷，加兩"大"片 魚腐。年糕，咬落去係實的的咁，中心部份仲有少少乾。味道.....正常。隨泡菜烤肉鍋上既『小菜兩款』，係兩款泡菜，大白菜+青瓜。已經冇expectation，但都唔好少過吉x家 既 $4 泡菜啦。係送既就差咁遠？泡菜鍋，話粉絲底，可以加 $5 轉烏冬(轉的話，跟上既飯會冇左)，我地冇轉到。但係....佢講個d 韓國粉絲......只係龍口粉絲。又幼，入口時係淋到....唔咬都爛。 食過韓國粉絲都知唔應該係咁。烤肉部份，烤肉既份量大概有 4 份肥牛咁多。 但佢係豬肉。 味道係醃得唔錯。仲有隻生蛋打係面既。上枱都仲熱辣辣。總括： 味道係正常，韓國菜，辣囉。 但好明顯冇落心去做，同埋未
同朋友兩個人，原本打算去食酸辣粉，但都棄權左。
行過女人街，見到『首爾』，新開啵。 見門口個牌既『一口豆腐』幾吸引，就入左去啦。
一坐低....哇....餐牌唔算多野。 但十樣有九樣都冇。好彩樣樣都係飽肚，當做唔食小食囉......
叫左 海鮮炒年糕 $48 & 泡菜烤肉鍋$45。(埋單 $102, 有加一？)
一上枱, 果然係小食....炒年糕係 街口 $5 腸粉 既份量。所謂既海鮮，係3-4 片鳴門卷，加兩"大"片 魚腐。年糕，咬落去係實的的咁，中心部份仲有少少乾。味道.....正常。
隨泡菜烤肉鍋上既『小菜兩款』，係兩款泡菜，大白菜+青瓜。已經冇expectation，但都唔好少過吉x家 既 $4 泡菜啦。係送既就差咁遠？
泡菜鍋，話粉絲底，可以加 $5 轉烏冬(轉的話，跟上既飯會冇左)，我地冇轉到。但係....佢講個d 韓國粉絲......只係龍口粉絲。又幼，入口時係淋到....唔咬都爛。 食過韓國粉絲都知唔應該係咁。
烤肉部份，烤肉既份量大概有 4 份肥牛咁多。 但佢係豬肉。 味道係醃得唔錯。仲有隻生蛋打係面既。上枱都仲熱辣辣。
總括： 味道係正常，韓國菜，辣囉。 但好明顯冇落心去做，同埋未準備好囉。原本想食既『一口豆腐』都係冇得供應既。
其實，人客並唔係只求飽肚架...........
張貼
