小曼谷泰國美食站 (已結業)

最近經常黎銅鑼灣覓食 講小曼谷大家都會諗起九龍城 但原來銅鑼灣都有間！價錢又唔貴喎 就坐低食喇

先上酸辣鳳爪 椰子雞湯同生蝦 生菜包
酸辣味小妹最愛 所以頭兩樣都係飛佛！椰子雞湯仲有火熱住 好貼心 熱辣辣飲更加加分！🥰🥰🥰🤤

鮮芒蟹肉炒飯

重點推介鮮芒蟹肉炒飯 呢個炒飯之前係另一間泰國野食過 覺得麻麻 而且芒果加蟹肉硬係覺得怪怪地 出乎意料呢度既好好味 係今次最推介既 材料味道好夾 炒飯亦炒得好好

另外叫左薄餅蒜蓉包 薄餅係酥皮 好脆！而蒜蓉包味道比較特別 但亦係好味既特別🤣

串燒

最後朋友想食肉叫左幾串串燒 串燒亦係好出色！新鮮燒熱辣辣 分別叫左牛 雞腎 同牛舌 最推介牛 夠入味稔身仲要熱辣辣 正！🤤