富山居 (裝修中)

哩日放飯同同事黎咗美食廣場哩間日本野都食，午餐選擇好多價錢都幾親民😊我嗌咗戈十勝厚切豬扒香蔥醬油撈麵，十分滿分我比九點九九分🥳塊豬扒又大又厚，大過我塊面😳雖然佢好大塊，但係一啲都唔乾柴，切開都仲見啲色好粉嫩，咬落都唔會太要牙力😬成份餐入面最得我歡心就係個麵底😍哩到用既係粗麵，唔會煮過龍淋到一夾就斷，有少少嚼口又掛到汁😋哩戈啲醬汁帶甜連埋啲蔥油一齊雖然好邪惡，但係世界級享受，美中不足係我覺得蔥油可以再大方啲啲🤣🤣🤣哩到食物質素真係好唔錯，價錢又唔貴，凍飲加八蚊，埋單都係六十左右，性價比真心唔錯🥳