影片
更多
2009-03-07
373 瀏覽
好唔好食又睇落去 260 回: 木魚燒餅在跳舞@銅鑼灣遊樂http://hk.myblog.yahoo.com/goodboy_philip/article?mid=32522夜媽媽十一二點0係銅鑼灣口痕想食日本野, 去呢間開通宵既 "遊樂" 食燒餅過口癮! 呢次係我第二次食, 之前無寫過 "好唔好食,又睇落去!" 既, 不過事先講明 woh, 好多人食完鬧到飛起, 因為佢地無水同茶供應, 第二前菜一小碟每位廿元, 如果去食之前, 記得考慮食完會唔會背脊骨落先好去 woh! 至於好唔好食? 又睇落去? 地址: 銅鑼灣謝斐道468號百達中心地下E舖 前菜煙鴨胸麻醬沙津: 鴨胸尚算新鮮不太硬, 本身鍾意食麻醬撈, 所以覺得 ok 既! 前菜係每位 "規定" 要食, 廿元一位。 我上次又係十二點去食, 不過今次個師傅仔唔係上次0個個有鬚既日本人 lu! 唔知會唔會無咁好味呢?! haha... 雞腎燒: 大隻佬既 choice, 同我以前食既雞腎相比, 呢個好咬 d! 不過我對雞腎麻麻地... 大阪燒餅 (豚肉, 芝士, 泡菜, 雞蛋): 一煎完即上碟夠哂新鮮滾熱辣, 個燒餅七八寸到啦,
http://hk.myblog.yahoo.com/goodboy_philip/article?mid=32522
夜媽媽十一二點0係銅鑼灣口痕想食日本野, 去呢間開通宵既 "遊樂" 食燒餅過口癮! 呢次係我第二次食, 之前無寫過 "好唔好食,又睇落去!" 既, 不過事先講明 woh, 好多人食完鬧到飛起, 因為佢地無水同茶供應, 第二前菜一小碟每位廿元, 如果去食之前, 記得考慮食完會唔會背脊骨落先好去 woh! 至於好唔好食? 又睇落去?
地址: 銅鑼灣謝斐道468號百達中心地下E舖
前菜煙鴨胸麻醬沙津: 鴨胸尚算新鮮不太硬, 本身鍾意食麻醬撈, 所以覺得 ok 既! 前菜係每位 "規定" 要食, 廿元一位。
我上次又係十二點去食, 不過今次個師傅仔唔係上次0個個有鬚既日本人 lu! 唔知會唔會無咁好味呢?! haha...
雞腎燒: 大隻佬既 choice, 同我以前食既雞腎相比, 呢個好咬 d! 不過我對雞腎麻麻地...
大阪燒餅 (豚肉, 芝士, 泡菜, 雞蛋): 一煎完即上碟夠哂新鮮滾熱辣, 個燒餅七八寸到啦, 木魚碎郁下郁下好似跳舞咁! 海苔,木魚碎蛋黃醬混芝士, 豚肉, 芝士, 泡菜, 雞蛋, 塊餅似軟軟既年糕, 你可以幻想下個味道啊? 切開四塊, 我唔擔心心好唔好味, 只擔心夠唔夠食! haha...
咦! 明明叫左兩個架, 點解得一個黎左既?! 原來漏單...大阪燒餅 (豬肉, 魷魚, 蝦, 雞蛋): Menu 上既豚同豬有咩分別呢? 我記得喇! 呢塊係用煙肉整既, 第一塊就用 "肉" 黎整既!
我鍾意呢塊有蝦同魷魚既多 d , 雖然蝦好少, 不過魷魚令塊燒餅好好咬! 最可惜係唔記得加 soba 麵! 下次0係銅鑼灣夜走無野食, 一定要食燒餅加 soba, 再加一個漢堡扒, 好想試下呢度既漢堡扒啊!
平時食飯時段都 full, 睇開好孩子 blog 都知道我最鍾意避開 d peak hour 去食野啦, 所以唔使等!
環境: 2.5 (非常簡單, bar 枱前一排凳, 只有兩張 order 枱。)
衛生: 1 (埋單比我見到"小強"0係個爐隔離。)
服務: 3 (女既落單有點遊暈, 落少左單後個男頭目就好有禮貌!))
設計: 2 (Menu 設計無花巧, 店內裝潢黃色幾活力, 連抽油煙機都係黃色!)
味道: 3 (用料雖然簡單, 不過味道同小店氣氛食得出日本姿味。)
價錢: 2 (二人埋單二百六, 一個燒餅 88元費唔貴見仁見智, 價錢貴在必比$20既前菜, 飲品至少廿三十元。)
最終評分: 1.5 今次見到唔衛生既小強, 味道 ok 都不推薦! (雖然我都會再去試下燒餅 soba 同漢堡扒...) 另外, 食燒餅預左有油煙味, 著靚衫拎靚袋就下次先去啦!
張貼
