Ocio (東港城) (已結業)

東港城就喺地鐵坑口站a出口。開頭係商場都有啲難搵，原來就係商場2樓，萬寧、 Optical 88、紅蘿蔔附近，譚仔三哥對面。之前去過油麻地分店，第一次黎東港城嘅分店。呢度係走木系 、可愛、清新、光鮮路線，餐廳亦寬敞、舒適好多。連個pepper and salt樽都好可愛cute cute.除咗環境舒適，呢度落單都好方便，自己掃 QR code落單就得。lunch set 包餐湯＆33蚊以下既飲品。香煎石斑柳伴薯蓉香草忌廉汁$85煎石斑柳唔錯！驚喜佢係連皮既，而皮煎得香脆完整！個薯蓉都食得出煮有心思，幼滑既薯蓉入面，撈咗一粒粒好細嘅薯仔粒，令到口感豐富，層次提升。本來諗住減肥low carb，但好味到令人忍唔住食曬啲薯蓉。飽到連碗湯都飲唔落。至於飲品，佢包嘅係33蚊以下嘅飲品，我加咗十蚊試下呢度既hot cappuccino,還算不錯，鍾意偏甜嘅應該會like。