鳳園椰子雞

今次同朋友二人嚟到旺角鳳園，當然要試下佢哋招牌嘅椰子雞煲。我哋揀咗木瓜椰子雞煲（半隻）。店員即場劈開泰國椰青，將椰青水倒入鍋中，再放入文昌雞同木瓜。湯底滾起之後，清甜椰香即刻湧出，入口有椰子水嘅清爽同木瓜嘅自然甜味，飲落暖笠笠。雞肉皮薄肉滑，煮耐都唔鞋，真係好正。

安格斯特級肥牛
安格斯肥牛雪花分佈靚，油脂適中，輕輕涮幾下就入口即化。牛味濃郁，份量足，作為火鍋配料絕對唔輸蝕。 生蠔大隻飽滿，入口鮮甜，輕輕涮熟之後保留咗海水味同鮮美肉質，食落好爽口。

餐後甜品揀咗蘋果包。外型真係同蘋果一樣，外皮晶瑩透亮，鬆軟帶少少濕潤感。入面係酸甜山楂餡，食落清新唔膩，幾特別。

最後仲試咗鳳園大滿貫糖水，完美句號。

餐廳以木系裝修為主，座位闊落，環境乾淨舒適，打卡一流。服務員落單快手，仲會主動加湯，貼心又專業。整體用餐體驗好愉快。