影片
更多
2021-09-12
2638 瀏覽
you are simply woooooderful ♪～(´ε｀ )多得午後陽光加持，呢輯相應該係歷來用我部機影得最靚嘅一輯，我都唔捨得畫花佢地，所以今次keep it simple，突然為自己部iphone8感到自豪。呢間由前半島中廚主理嘅餐廳聽講平日經常大排長龍，咁討厭排隊嘅我當然tea time先去啦。午後點點光線灑落，食物金光閃閃，耳邊響起台灣流行歌輕快嘅旋律，頓覺幸福無比。；夜市地瓜條 $46令我牽腸掛肚嘅台灣小食竟然會喺香港食到，是日MVP，一定要嗌！佢係烤而唔係炸嘅，口感比薯條軟淋，外層稍脆微甜，入面軟綿綿，咬落啖啖地瓜肉，夜市感覺滿滿。；黑糖蘋果西打豬軟骨飯 $64 醬汁用台灣名物蘋果西打調製而成，別具特色；豬軟骨分量多但可再腍啲，食過坐忘就覺得呢個差咁啲。仲有片蘋果乾，就係平日食（懶）健康嗰隻乾燥果乾嘅味。加 +$10就有滷肉，邊個話滷肉飯一定係豬肉，呢度用上安格斯牛肉，香氣四溢，極為惹味，撈飯首選！；蒲燒鰻魚飯 $78蒲燒鰻魚一大條，選用進口歐洲鰻魚，口感結實，蒲燒汁味濃，十分香口。；木玥黃金水果茶 $38士多啤梨（其實無）蘋果🍎橙🍊，全部都係新鮮水果！呢款水果
多得午後陽光加持，呢輯相應該係歷來用我部機影得最靚嘅一輯，我都唔捨得畫花佢地，所以今次keep it simple，突然為自己部iphone8感到自豪。
呢間由前半島中廚主理嘅餐廳聽講平日經常大排長龍，咁討厭排隊嘅我當然tea time先去啦。午後點點光線灑落，食物金光閃閃，耳邊響起台灣流行歌輕快嘅旋律，頓覺幸福無比。
；夜市地瓜條 $46
令我牽腸掛肚嘅台灣小食竟然會喺香港食到，是日MVP，一定要嗌！佢係烤而唔係炸嘅，口感比薯條軟淋，外層稍脆微甜，入面軟綿綿，咬落啖啖地瓜肉，夜市感覺滿滿。
；黑糖蘋果西打豬軟骨飯 $64
醬汁用台灣名物蘋果西打調製而成，別具特色；豬軟骨分量多但可再腍啲，食過坐忘就覺得呢個差咁啲。仲有片蘋果乾，就係平日食（懶）健康嗰隻乾燥果乾嘅味。
加 +$10就有滷肉，邊個話滷肉飯一定係豬肉，呢度用上安格斯牛肉，香氣四溢，極為惹味，撈飯首選！
；蒲燒鰻魚飯 $78
蒲燒鰻魚一大條，選用進口歐洲鰻魚，口感結實，蒲燒汁味濃，十分香口。
；木玥黃金水果茶 $38
士多啤梨（其實無）蘋果🍎橙🍊，全部都係新鮮水果！呢款水果茶係以西柚同百香果為主調，一時老人癡呆唔記得叫少甜少冰，又唔太甜，飲到曬水果嘅天然甜味，極開胃。最驚嚇係杯嘢完全係美國快餐店嘅飲品size，啫係睇電視見到睇波啲大肥佬拎住一大杯啤酒咁大杯，嚇死我。利🈸️飲曬，跟住去咗三次廁所🚾。
；金莎抹茶奶泡 $32
賣相已贏，仲真係有粒金莎，雖然對杯飲品嘅味道毫無昇華之效。簡單嚟講就係matcha latte ，奶/茶比例適中，略帶回甘，無粉粒。
張貼
