影片
更多
2007-08-29
8 瀏覽
8.28 (Tue) Dinner約左個師姐朋友，冇練習，直接去食飯，so that's why越黎越肥囉。佢suggest黎satay king係因為佢想食個芒果椰汁黑糯米。七點幾到，"木桶"位要等一陣。我成十年冇食satay king喇，估唔到宜家裝修得咁特別，好重本喎。兩個人當然坐木桶啦（我朋友話），我地坐３２１號木桶。叫左三樣野食：蛋包飯、豬肉粉卷、芝士一口貝。1)蟹肉蛋包炒飯($41.5)：好味，開胃，足料；幾多蟹肉，腰果好香。2)豬肉粉卷($19.5)：唔講豬肉都唔知入面有豬肉，不過ｄ"碎料"配撘都ok好味。3)芝士一口貝($29)：雖然肉少，但底既薯蓉撈芝士汁好正。原本想叫埋朋友個favourite：芒果椰汁黑糯米，但waitress話冇芒果所以就冇呢個dish。叫個waitress是旦用ｄ野replace芒果（e.g.幾條豆）又唔肯，真失望。不過我地兩個麻煩顧客係咁追住個waitress問佢都係笑住咁答我地都幾唔話得。坐木桶有自成一角既感覺，亦好新奇。不過檯面surface area太細，野食放完三碟已迫爆，而且隔離木桶大力開門的話就會boom埋黎，以為撞爆我地個３２１
約左個師姐朋友，冇練習，直接去食飯，so that's why越黎越肥囉。佢suggest黎satay king係因為佢想食個芒果椰汁黑糯米。七點幾到，"木桶"位要等一陣。
我成十年冇食satay king喇，估唔到宜家裝修得咁特別，好重本喎。兩個人當然坐木桶啦（我朋友話），我地坐３２１號木桶。
叫左三樣野食：蛋包飯、豬肉粉卷、芝士一口貝。
1)蟹肉蛋包炒飯($41.5)：好味，開胃，足料；幾多蟹肉，腰果好香。
2)豬肉粉卷($19.5)：唔講豬肉都唔知入面有豬肉，不過ｄ"碎料"配撘都ok好味。
3)芝士一口貝($29)：雖然肉少，但底既薯蓉撈芝士汁好正。
原本想叫埋朋友個favourite：芒果椰汁黑糯米，但waitress話冇芒果所以就冇呢個dish。叫個waitress是旦用ｄ野replace芒果（e.g.幾條豆）又唔肯，真失望。不過我地兩個麻煩顧客係咁追住個waitress問佢都係笑住咁答我地都幾唔話得。
坐木桶有自成一角既感覺，亦好新奇。不過檯面surface area太細，野食放完三碟已迫爆，而且隔離木桶大力開門的話就會boom埋黎，以為撞爆我地個３２１號桶。
朋友有廿幾蚊coupon，所以今餐加埋一每人都係４０蚊倒咋，cwb少有地食得咁平！今次仲有$4 coupon回贈返，咁樣既留客手法都唔錯丫。一定會再黎呀！
p.s.去toilet時聽到大檯o個邊好嘈，仲有個toilet唔係好得。
張貼
