橫浜街場 (已結業)

旺角有好多樓上嘅火鍋店，今日去到呢間叫做橫浜街場嘅，地方雖然唔大，但裝修佈置都幾特別。.一坐低，店員就介紹嚟緊會用自助點餐，即係用平板電腦落單，真係好方便呀。.我地點左一個椰子雞煲湯底，餐廳係用咗馬來西亞杉木木桶，店員好仔細咁介紹呢個木桶，話可以養生同埋消除疲勞，木筒嘅底部有鵝卵石，好特別，我哋可以喺個噴泉頭嗰度𢳂湯，雖然椰子味唔夠濃，但都幾好飲！.另外仲點咗本地手切肥牛，牛白肉，龍躉片，脆脘片同日本芝士竹輪。日本芝士竹輪都OK，不過入邊嘅芝士唔夠濃、欠缺左少少芝士嘅香味。另外，肥牛肉質都唔錯，可惜肉味唔夠濃。牛白肉，油香豐富，口感幾爽，幾好味。兩款魚肉都幾好，特別係龍躉片，龍躉皮夠厚身，有嚼口.仲有，分享食飯既相上facebook可以要一盤刺身😱😱甜蝦同北寄貝都好新鮮，點埋豉油一齊食就perfect！