影片
更多
2017-11-09
554 瀏覽
前排喺IG見到一連十幾個post都係啲囡囡喺呢間野一手拎住咖啡一手拎住個蛋治扮chill再加幾廿個hashtag ，令到與世隔絕嘅木嘴不勝其煩之餘，但又好犯賤地有些微興趣想黎見下呢間野既盧山真面目。今次咁啱去開附近，就決定入去一試睇下點解咁巴閉。木嘴喺平日既4點幾黎到，呢個時間黎講間野都算幾多人，差唔多坐滿。再望一望個環境，木嘴以為自己去左自修室，氣氛偏靜，基本上個個都只係望住自己杯咖啡，或者用手機代眼望住D食物，仿如進入無人之境，你心中無我，我心中無你。當然，文青既野木嘴識條鐵，決定唔再望住呢個自修室，搵搵個menu落單先。搵左一輪，先至發現要去到收銀前面先有得睇，木嘴又唔想企係收銀面前睇咁耐阻頭阻勢，所以都無乜點睇佢到底有啲咩揀，決定就咁叫左杯最常飲既Latte。初時仲諗住一試港女為之瘋狂既蛋治，但望一望價錢，$5x食個蛋治，嘩鑲金嫁？實在有違木嘴既常識觀念，都係返屋企叫阿媽整俾我算，最後淨係叫左杯飲咖啡。間野分開左兩層，原來下層只係用黎落單，落完單要行上上層先再交張單比barista ，個設計確實係幾有空間感既。拎住杯Latte坐低，偷瞄到對面位人兄食緊個鑲金蛋治，原來一盒有三大
木嘴喺平日既4點幾黎到，呢個時間黎講間野都算幾多人，差唔多坐滿。再望一望個環境，木嘴以為自己去左自修室，氣氛偏靜，基本上個個都只係望住自己杯咖啡，或者用手機代眼望住D食物，仿如進入無人之境，你心中無我，我心中無你。當然，文青既野木嘴識條鐵，決定唔再望住呢個自修室，搵搵個menu落單先。搵左一輪，先至發現要去到收銀前面先有得睇，木嘴又唔想企係收銀面前睇咁耐阻頭阻勢，所以都無乜點睇佢到底有啲咩揀，決定就咁叫左杯最常飲既Latte。
初時仲諗住一試港女為之瘋狂既蛋治，但望一望價錢，$5x食個蛋治，嘩鑲金嫁？實在有違木嘴既常識觀念，都係返屋企叫阿媽整俾我算，最後淨係叫左杯飲咖啡。
間野分開左兩層，原來下層只係用黎落單，落完單要行上上層先再交張單比barista ，個設計確實係幾有空間感既。
Latte （regular size)
$42
39 瀏覽
0 讚好
0 留言
拎住杯Latte坐低，偷瞄到對面位人兄食緊個鑲金蛋治，原來一盒有三大件，唔怪得賣呢個價錢。但木嘴個迷你胃就一定食唔晒嫁喇，掟我喺荒島三日三夜唔吃唔喝之後先俾我食就可能食得晒既。
講返杯咖啡先，雖則木嘴我味覺只有最低程度，講唔出D咩花巧嘅食評，但身為一個輕微咖啡道友，呢杯咖啡實在帶唔到滿足感比我，唔知係奶太多定隻咖啡本身味道偏淡，木嘴都係中意飲D咖啡味重嘅Latte。都難怪咁多人影相擺上IG，成$42一杯細咖啡仲要味道唔係驚天地泣鬼神，絕對要影多幾張相放上IG呃返幾十個like先至回到本，平衡返自己心理。
張貼
