📍今次富山麵家聯成勁cute嘅角落生物做主題麵店，之前做mofushan嗰排已經覺得佢好有心佈置，今次更加整到成間舖頭都係粉紅色，期間限定去到11月尾～買任何產品仲會送鎖匙扣！
用角落生物做主題拉麵有四款，揀咗特製黑醬油拉麵同白鹽蝦拉麵($90)，拉麵都有公仔魚蛋喺面頭好cute！
黑醬油個味會比較濃郁，兩款拉麵都有豬軟骨同叉燒，試完鍾意白鹽多啲清清哋，仲會有多兩隻蝦都幾鮮甜。
小食就有栗子紫薯餅($28)，同樣面頭都會有片公仔玉子燒比我哋打卡。
飲品就有三款，荔枝椰果梳打同白桃烏龍奶茶($35)面頭會有大量嘅cream，本身都以為會好膩，但係飲落又唔會話好甜。
到最後仲有超可愛嘅芭菲($48)底層係士多啤梨奶凍，再加埋雪糕、年輪蛋糕同埋雜莓幾有層次感，同埋奶香味都好濃。
