魔衣櫥咖啡廳 (已結業)

之前睇到有個報導得知尖沙嘴有間$78任食肉眼既西餐廳🙈一入到餐廳，環境真係幾好，靚裝修，幾舒適👍之後有店員講解，每次order都要叫一款主菜+兩款小食🙂主菜有三款，包括香煎澳洲肉眼牛扒、慢煮法國黃雞雞扒同香煎鸚鵡魚😋小食就有五款，水牛雞翼、煙肉薯條、蕃薯薯條、洋蔥圈同魷魚圈😏煙肉薯條無貨，無得試🙈魚，我今日唔想食，所以無試😂仲有自助沙律吧🥗肉眼扒真係唔錯，好可惜係薄切🙈我反而幾鍾意塊雞扒，慢煮處理，肉質嫩滑👍小食我就鍾意蕃薯薯條🍟同埋魷魚圈🦑其他就不過不失😬埋單加一$86，質素算高，加埋舒適環境(可能呢個時段人唔多😂)，我覺得幾抵食👍係一個鐘時間，可能會覺得趕急左少少🙈