牛角日本燒肉專門店 (黃埔天地享膳坊)

營業中

休息中

牛角最近與日本電影奇蹟的燒肉店聯乘推出期間限定套餐 - 上級牛肋肉椰菜絲配白飯 $99。望餐牌散叫上級牛肋肉4片要$79，現在憑電影票尾可以半價享用，或者會員正價用餐後送兩張電影換票證。講真，四片肉真係唔夠喉，這是主角小時候的份量吧！？飯上幾粒漬物跟椰菜絲沒有很特別，不過製成燒肉刨冰是有滿足到還原電影中出現的美食心態。牛角有多款牛肉可選，自問不是食家，未能指出哪種牛最好食，對我來說好幾款牛食落感覺差唔多。這款上級牛肋肉口感有點煙韌，但又唔算難𡁻。一般去牛角午餐會點燒肉定食 $69-95，可選兩款肉配昆布湯，沙律，白飯及飲品，凍飲走飲管更可免加$2。我心水是選牛舌配新潟雞爽肉 $85，牛舌又大片又夠薄，口感夠腍，雞爽肉是頸部位置，平時不常吃到，幾爽口，有點咬口又夠滑。