山下菓子 (如心廣場) (已結業)

身為大口仔死忠粉既我見到香港有大口仔聯乘既CAFÉ，緊係第一時間衝去🏃🏻。入到店既大口仔裝飾唔算好多，但都有幾個打卡位🤳🏼。消費方面，餐廳就有訂立左好多規矩同加一前個人最低消費，詳細就係點餐前俾埋你，大家自己留意⚠️。大飽口福套餐 $149 (他他醬吉烈豬扒丼˙凍山下水果茶) + 10%吉烈豬扒🐷炸得脆，但外皮油左少少而且同肉分離，肉質比較鞋身。珍珠米🍚就乾左少少，日式咖哩汁普普通通🍛，偏咸無咩辣勁，都無其他好似薯仔個啲配料。另外附埋個他他醬，我覺得點豬扒合適啲，無咁咸相對地。飲品方面唔算好甜，百香果味出眾啲，🍊🍎鮮果味唔算太豐富。拿破崙配MOVENPICK雪糕球 $108 + 10%拿破崙餅底唔太似平時法式甜品烤到黃金既酥脆底，佢更似細個成日食Vicenzi個隻牛油酥🧈，食落粒粒糖仲係表面，脹得高身比較係酥化。而吉士就比較甜，無咩Vanilla味。雪糕球是日係芒果味🥭，入面仲食到果肉整體味道就一般，有正常Menu供應，但就無大口仔紀念品換領❌。不過大口仔菜式唔夠吸引，如果更有心思就好🥺。