19
9
6
等級2
17
0
2013-02-24 22 瀏覽
之前成日係開飯網睇到其他人話呢間既咖哩有幾特別,又見有唔少既雜誌報導過,一直都心思思想試下。終於琴日搵到時間出尖沙咀,就順便走去試下佢既咖哩係咪真係咁好味。我就叫左個雜菜咖哩飯二分辣,家姐就叫左個蕃茄奄列飯一分辣。食完之後,我淨係覺得同平時食開既日本咖哩的確係有D唔同,但係話好食又算唔上,只係唔係我鍾意既類別。同埋我既二分辣一D都唔覺辣既,食食下都唔記得自己叫左咖哩黎食,搞到我原本充滿期待咁黎都愈食愈失望。而且我愈食就愈覺得個咖哩好鹹,好似淨係得個鹹字咁。成碟飯唯一可取既地方就係有好多唔同種類既蔬菜,都食得出係新鮮既。家姐既蕃茄奄列飯,冇食過,所以不予置評。但係我家姐都話個咖哩係好鹹同埋一分辣係唔覺辣既。而且佢話食落覺得好大陣藥材味,之後成日個口都會無神神有D藥材味湧返上黎,俾我笑左好耐。總括黎講,想試既都可以去試下既,但係我同家姐就唔會再試啦,因為唔岩我地口味同埋偏貴。
更多
之前成日係開飯網睇到其他人話呢間既咖哩有幾特別,又見有唔少既雜誌報導過,一直都心思思想試下。終於琴日搵到時間出尖沙咀,就順便走去試下佢既咖哩係咪真係咁好味。
我就叫左個雜菜咖哩飯二分辣,家姐就叫左個蕃茄奄列飯一分辣。
44 瀏覽
0 讚好
0 留言
食完之後,我淨係覺得同平時食開既日本咖哩的確係有D唔同,但係話好食又算唔上,只係唔係我鍾意既類別。同埋我既二分辣一D都唔覺辣既,食食下都唔記得自己叫左咖哩黎食,搞到我原本充滿期待咁黎都愈食愈失望。
而且我愈食就愈覺得個咖哩好鹹,好似淨係得個鹹字咁。成碟飯唯一可取既地方就係有好多唔同種類既蔬菜,都食得出係新鮮既。
43 瀏覽
0 讚好
0 留言
家姐既蕃茄奄列飯,冇食過,所以不予置評。
但係我家姐都話個咖哩係好鹹同埋一分辣係唔覺辣既。而且佢話食落覺得好大陣藥材味,之後成日個口都會無神神有D藥材味湧返上黎,俾我笑左好耐。


總括黎講,想試既都可以去試下既,但係我同家姐就唔會再試啦,因為唔岩我地口味同埋偏貴。
題外話/補充資料: 做收銀個個比較珠圓肉潤既小姐服務態度認真麻麻,我係收銀前面睇緊餐牌諗緊食咩好既時候,佢一句"食咩呀"拋過黎,搞到我都俾佢嚇窒左。雖然我知佢冇惡意,但係我聽落覺得唔係幾舒服囉...
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2013-02-23
用餐途徑
堂食