影片
更多
2009-01-12
9 瀏覽
一早起身已經11點. 正煩惱午餐要食咩ge時候, 媽媽就打黎問我去唔去紅磡一齊食個lunch.一講起紅磡就醒起三河屋. 成日上openrice都見到好多人大讚佢地ge食物, 而鍾情日本菜ge我就把心一橫去食喇.去到ge時候, 媽媽同佢ge同事未到, 我就去霸定3人位先.點知入面個姐姐話其實係唔可以霸位, 因為午市較多人. (o個時就1點.... 不過入面係唔滿ga... 仲有2張4人枱係未有人坐.) 咁我就叫佢地喇喇聲黎啦.為左唔想俾人話我霸住個位, 我先叫左2個前菜.<帶子海鮮沙律>本身係想叫蟹子沙律ga! 不過佢地賣哂....呢個就有d失望... 點會1點就賣哂ga呢.....咁就叫左呢個帶子海鮮沙律.我食得出就有蟹子, 切碎ge八爪魚同埋切碎ge帶子.八爪魚係居多. 冇咩食到帶子.份量都幾少.味道方面有d難以形容...有d d 酸味...海鮮ge鮮味就唔係太食得出喇.本人就唔太欣賞<海老天婦羅>媽媽一向都喜歡食蝦天婦羅.相對起店內其他ge天婦羅, 蝦天婦羅應該係最抵食ge天婦羅.點解咁講呢? 佢蝦同埋雜錦天婦羅係一樣都係$38. 而茄子雜錦天婦羅,
一講起紅磡就醒起三河屋. 成日上openrice都見到好多人大讚佢地ge食物, 而鍾情日本菜ge我就把心一橫去食喇.
去到ge時候, 媽媽同佢ge同事未到, 我就去霸定3人位先.
點知入面個姐姐話其實係唔可以霸位, 因為午市較多人. (o個時就1點.... 不過入面係唔滿ga... 仲有2張4人枱係未有人坐.) 咁我就叫佢地喇喇聲黎啦.
為左唔想俾人話我霸住個位, 我先叫左2個前菜.
<帶子海鮮沙律>
本身係想叫蟹子沙律ga! 不過佢地賣哂....
呢個就有d失望... 點會1點就賣哂ga呢.....
咁就叫左呢個帶子海鮮沙律.
我食得出就有蟹子, 切碎ge八爪魚同埋切碎ge帶子.
八爪魚係居多. 冇咩食到帶子.
份量都幾少.
味道方面有d難以形容...
有d d 酸味...
海鮮ge鮮味就唔係太食得出喇.
本人就唔太欣賞
<海老天婦羅>
媽媽一向都喜歡食蝦天婦羅.
相對起店內其他ge天婦羅, 蝦天婦羅應該係最抵食ge天婦羅.
點解咁講呢? 佢蝦同埋雜錦天婦羅係一樣都係$38. 而茄子雜錦天婦羅, 南瓜天婦羅, 蕃薯天婦羅等ge蔬菜雜錦天婦羅要$28.
淨蝦天婦羅有5隻蝦. 雜錦天婦羅就有少d蝦, 仲有其他蔬菜天婦羅.
蔬菜又點及蝦貴呢? 所以蝦天婦羅係抵食ge~
講返呢個蝦天婦羅, 都炸得幾好. 夠脆, 粉漿唔太厚, 唯獨是個天婦羅汁味道較淡. 我會prefer鹹返少少!
大至上都OK. 不過不失
媽媽同埋佢同事黎到之後我地都叫埋主菜.
我就叫左最出名ge鰻魚飯, 媽媽叫左極辣拉面, 佢個同事就叫左煙鴨胸拉面.
<鰻魚飯>
賣相的確不錯不錯.
睇得出件鰻魚好肥美.
打側睇都見到好厚身.
味道亦不俗. 加埋壽司飯真係一流.
不過對我黎講, 飯就太多喇. 食唔哂d飯. 下次真係應該要少飯.
同埋師傅落鰻魚汁較重手, 會有愈食愈鹹ge感覺.
食完會想飲好多水. 似係d汁有好多味精.
但大至上真係好欣賞佢ge肥美鰻魚!!
<極辣拉面>
即係好似平時d叉燒拉面. 不過係加左 "極辣"
入面有叉燒, 海台, 荀, 粟米, 拉面.
面質麻麻. 湯比較濃.
呢個同鰻魚飯有相似ge地方...
就係都係愈食愈鹹... 不過呢個愈食愈鹹ge情況比鰻魚飯更厲害.
對我呢個唔太食得辣ge人黎講, 都算辣, 不過媽媽就覺得一d都唔辣.
呢個拉面總括來講都係麻麻地....
<煙鴨胸拉面>
呢個拉面ge配料同極辣拉面大至上係一樣除左佢係用煙鴨胸, 唔係用叉燒同埋唔辣之外就其他野都係一樣.
不過呢個湯就較好. 最少唔會有愈食愈鹹ge感覺.
我自己就冇試過d鴨胸, 因為我對鴨類製成品一向都有d唔太喜歡.
不過媽媽同佢同事都覺得肉質ok. 唔會有overcook ge感覺.
所以大至上呢個都係合格ge.
價錢方面都算OK. 唔太貴.
不過到走o個一刻都未見有爆滿.
可能夜晚先至多人去食啦.
總括來講. 我覺得OK啦.
可能我期望太高. 所以覺得有少少失望.
如果味道方面淡返少少我會比較喜歡.
不過都總算係不過不失. OK啦
張貼
