影片
更多
2015-10-16
4105 瀏覽
好友比咗4張現金劵，呢間餐廳上網睇好似唔錯，晚餐價錢都唔平！趁著閒日約出來行街，行到攰去呢度食個下午茶，上到平台，行入一條隧道咁嘅走廊，門口有個大櫃檯，左邊就係餐廳，朋友已經訂好位，店員帶我們入大廳嘅2人枱，西式格局，牆上掛有啲廚具做裝飾，朋友問店員想坐近窗卡位，店員話外面唔開放（可能係唔開放比下午茶時段）我哋啲二人枱幾貼近，大家講嘢都一定聽到（好笑我哋傾緊份high tea會唔會好大份，旁邊一pair已經差不多食完嘅食客，好心話比我們知道，佢哋剛食完high tea!唔大份，叫我哋放心叫）下午茶餐有hightea同其他單點套餐！食物好快到！墨西哥雞肉夾餅配鮮茄沙沙牛油果醬：以為鮮茄沙沙係拌碟，結原來所有嘢都夾在夾餅中，墨西哥餅乾身，一開四，味道似蔬菜碎為主，蔬菜juicy,唔濃味，幾清爽嘅味道！旁邊牛油果醬無乜味，好似普通沙律醬咁，增加滑溜感下午茶High Tea：一隻大黑碟盛住好多小食，份量唔大，兩個女仔食唔會飽！如果用三層架盛載會更好！（當我膚淺，hightea見到三層架會開心啲）西班牙黑毛豬火腿蜜瓜：蜜瓜大件，一邊包上火腿，火腿鹹香，略韌，配多汁嘅甜瓜好味！芒果蝦洛嗲：中蝦大隻
好友比咗4張現金劵，呢間餐廳上網睇好似唔錯，晚餐價錢都唔平！趁著閒日約出來行街，行到攰去呢度食個下午茶，上到平台，
行入一條隧道咁嘅走廊，門口有個大櫃檯，
左邊就係餐廳，朋友已經訂好位，店員帶我們入
大廳嘅2人枱，西式格局，
牆上掛有啲廚具做裝飾，朋友問店員想坐近窗卡位，店員話外面唔開放（可能係唔開放比下午茶時段）我哋啲二人枱幾貼近，大家講嘢都一定聽到（好笑我哋傾緊份high tea會唔會好大份，旁邊一pair已經差不多食完嘅食客，好心話比我們知道，佢哋剛食完high tea!唔大份，叫我哋放心叫）
下午茶餐有hightea同其他單點套餐！食物好快到！
墨西哥雞肉夾餅配鮮茄沙沙牛油果醬：以為鮮茄沙沙係拌碟，結原來所有嘢都夾在夾餅中，墨西哥餅乾身，一開四，味道似蔬菜碎為主，蔬菜juicy,唔濃味，幾清爽嘅味道！旁邊牛油果醬無乜味，好似普通沙律醬咁，增加滑溜感
下午茶High Tea：一隻大黑碟盛住好多小食，份量唔大，兩個女仔食唔會飽！如果用三層架盛載會更好！（當我膚淺，hightea見到三層架會開心啲）
西班牙黑毛豬火腿蜜瓜：蜜瓜大件，一邊包上火腿，火腿鹹香，略韌，配多汁嘅甜瓜好味！
芒果蝦洛嗲：中蝦大隻爽口，點芒果醬酸甜清爽，芒果醬應該有加甜，酸酸甜甜好味！
蛋沙律伴魚子醬配餅乾：魚子鹹香，蛋沙律好多，魚子同蛋味好夾，蛋沙律可以增加份量，延長啲魚子味道在口中，剛剛好，
煙三文魚多士：三文魚幾鮮，無加任何調味，只有一粒酸果子在頂端！多士鬆脆！好味！
焦糖燉蛋：焦糖都唔脆！燉蛋唔夠滑，太甜，藍莓得半粒！唔爽！士多啤梨撻：我嗰件粒士多啤梨太熟！太淋！牛油撻底好脆！裡面吉士醬唔香！
忌廉泡芙：泡芙皮係淋嘅，有朱古力包裹都係無助！裡面忌廉正常！
馬卡龍：我食紅色，皮唔脆，中央餡料太甜！食唔到！唔喜歡！
整體比期望失望，大部分甜點只能正常！
咖啡：因為食太多甜點，飲咖啡中和下！咖啡濃偏苦！香味唔濃，唔落奶！可以解膩！食物一般，水準賣相比想像中低！服務都有改善空間，我哋後段先落餐飲，馬尾女店員落單，我要咖啡無問題，朋友講要茶，佢問要檸檬茶定奶茶，朋友再講要次只要茶，佢好似唔明咁再問：「即係邊款？」朋友有啲忟，我只要茶，佢依舊堅持，話：「即係奶茶唔要奶？」朋友已經頂唔住，反問：「乜我只要一杯茶咁難明咩？你一定要比其他嘢我？」佢先至唔再問，我唸佢公司電腦只有兩款選擇，朋友講唔到A或B，佢就唔識落單！唔識變通照落，唔好攞其他配料就得！不過只有一個店員係咁，其他店員都好正常！
廁所要攞鎖鑰出面，不過女廁個鎖好難開，我出去問店員佢話向左轉，最後係另一間店嘅職員剛好去廁所幫我哋先開到！
地點環境景觀都唔錯，下午茶食物唔係難食，只係比較普通，唔值呢個價錢！細緻位要改善下！
呢餐用$400現金劵，只需比$6！（正價就唔抵了）
張貼
