影片
更多
2017-04-17
2006 瀏覽
好耐之前已經從唔同渠道見過肉餅哥嘅介紹，包括fb、instagram、電視，一直都想試。但由於我地唔係太熱衷排隊，得知好多時熱店都要大排長龍，所以我地想等熱潮散咁啲先到訪。今日咁啱同朋友行完山，傾下去邊食晚飯，決定趁機一試！雖然係紅日，晚飯時間去到，但並冇人龍，店內滿座，但等左幾分鐘就有位。店員指示我地入內，安排坐三個一字排開嘅「面壁位」，當下心裡已經有少少唔高興，我覺得我唔係黎食快餐。但講到尾，因為都期待左好耐，就心諗如果食物有水準嘅話，都唔應該計較。肉餅哥供應36種口味嘅肉餅，價錢分為 $59/$69/$99，肉餅可選煎或者蒸，配老火靚湯、白飯/白粥/米粉。肉餅嘅款式相當多，有部分都幾特別，例如咖啡煉奶肉餅($59)、特式果醬肉餅($59)、煙三文魚肉餅($69)、足三両花膠肉餅($99)等。而我係真心覺得佢地嘅肉餅一啲誠意都冇，沒有最普通，只有更普通。如果係一間茶記食個蒸肉餅，我絕對唔會期望；但由於你叫得做肉餅哥，表示對肉餅都有一定嘅信心，結果我食到咁嘅質素，非常失望。老火湯一坐底店員仲會送上「老火靚湯」，所謂老火湯，味道只係似普通滾湯，唔覺得有乜咁特別。泰式冬蔭公汁肉餅 $59
但由於我地唔係太熱衷排隊，得知好多時熱店都要大排長龍，所以我地想等熱潮散咁啲先到訪。
今日咁啱同朋友行完山，傾下去邊食晚飯，決定趁機一試！
雖然係紅日，晚飯時間去到，但並冇人龍，店內滿座，但等左幾分鐘就有位。
店員指示我地入內，安排坐三個一字排開嘅「面壁位」，當下心裡已經有少少唔高興，我覺得我唔係黎食快餐。
但講到尾，因為都期待左好耐，就心諗如果食物有水準嘅話，都唔應該計較。
肉餅哥供應36種口味嘅肉餅，價錢分為 $59/$69/$99，肉餅可選煎或者蒸，配老火靚湯、白飯/白粥/米粉。肉餅嘅款式相當多，有部分都幾特別，例如咖啡煉奶肉餅($59)、特式果醬肉餅($59)、煙三文魚肉餅($69)、足三両花膠肉餅($99)等。
而我係真心覺得佢地嘅肉餅一啲誠意都冇，沒有最普通，只有更普通。
如果係一間茶記食個蒸肉餅，我絕對唔會期望；但由於你叫得做肉餅哥，表示對肉餅都有一定嘅信心，結果我食到咁嘅質素，非常失望。
老火湯
一坐底店員仲會送上「老火靚湯」，所謂老火湯，味道只係似普通滾湯，唔覺得有乜咁特別。
泰式冬蔭公汁肉餅 $59 (煎)落單冇耐就已經上枱，朋友話不消一分鐘，從賣相可以得知所謂嘅冬蔭公汁肉餅，只係一塊預先煎好嘅肉餅，淋上所謂冬蔭公汁。
冬蔭公汁質地稠身，成督鼻涕咁，味道一啲都唔突出，淡到唔知食緊乜
而且冬蔭公汁同肉餅一啲都唔夾，如果冬蔭公汁都可以成為一款肉餅，難怪肉餅哥可以有36款唔同口味，因為你隨便嗡都可以講到幾款，青咖喱汁肉餅、粟米汁肉餅、肉骨茶肉餅、廿四味肉餅、喇沙汁肉餅、巴東汁肉餅，想要幾多都數到。
最慘係舊肉餅，煎得唔夠香不得止，完全冇口感、冇咬口，一督用機打碎嘅爛肉咁，毫無彈性可言。
如果話係手打左兩萬幾下嘅豬肉，難以置信，點解衰過街市啲廿蚊三餸飯嗰件肉餅。
秘制金沙蛋黃肉餅 $69 (只有煎)首先賣相一般般。就係一塊煎過嘅肉餅，加上蛋黃。
但比起冬蔭公鼻涕汁肉餅，已經好好多，起碼有粒鹹蛋黃，但絕對稱唔上好食
肉餅嘅本身根本就係一模一樣，所謂嘅幾十款肉餅都係用同一款預先整好嘅餅底再淋上唔同醬汁、配料。肉餅製作過程同快餐店無異，拎舊煎好嘅肉餅，加汁/配料，毫無誠意可言。
撇除冬蔭公汁或者我地點嘅蛋黃汁同隻鹹蛋黃，我同朋友食嘅肉餅係冇分別。
流心芝士肉餅 $69 (蒸)由於朋友點嘅兩款肉餅都係煎，所以我呢件選擇左蒸，就係咁中伏。
如果一款肉餅出品前有試過，並唔適合用蒸嘅做法，係咪應該唔好提供呢個選擇呢？
一來賣相嘔心，一舊肉餅俾督芝士醬浸住；二來完全同流心冇關係。（或者直接叫嘔心芝士肉餅）
有一點必須說明，呢款係三種口味當中最有誠意，等嘅時間最長，而且係用兩塊薄肉餅夾住芝士再蒸。肉餅依然冇咬口，芝士味亦係不倫不類，芝味唔強烈，肉又冇肉味，我食緊啲乜？
涼拌青瓜 $22份量相當少，仲要切成一條條，呢碟青瓜又酸又唔辣…可能我未見過大蛇屙尿啦，唔識欣賞。
白灼菜心 (跟餐+12；原價 $22)又老又粗，不過算啦跟餐加十幾蚊，我都費事彈落去，人地又唔係叫蔬菜哥，肉餅先係主角。
總括黎講，我地三個一致認為肉餅哥名大於實，缺乏誠意，期望愈大，失望愈大。見佢有咁多好評，唔知是咪我地唔識食啦，我就死番去食三餸飯嗰塊肉餅算喇。
用此快餐式做法，醬汁/配料淋上肉餅，居然只有36款味道，實在太少喇，起碼要有360款。
根據肉餅哥所言，平均每塊豬肉手打二萬幾次，相信每位媽媽整嘅肉餅可能打左廿萬次。如果帶媽媽去食，相信會俾佢鬧一世。
不可一，不可再。
-
某位女店員態度奇差，繁忙時間食個45分鐘嘅快餐飯，我都唔要求你笑到四萬咁口，但可唔可以唔好西面？你西我面，我西邊個面？
好明顯拎罐汽水埋黎嘅時候掉飲筒落枱，點解要掉飲筒？我去大排檔呀姐都識用手遞飲筒俾個客，你估你張枱好乾淨？
餐牌：
題外話/補充資料：
我地被安排坐面壁位後，當時見到旁邊有張4人枱埋單，我地向店員要求轉枱，店員首先確認我地並未落單，然後佢話可以。
隔左幾秒鐘，我地尚未動身，店員又話門外有5人等位，要留枱俾佢地。
於是我地冇辦法啦，人家咁講，我地都照樣落單照樣面壁。
但最終到我地食完飯直至埋單，都冇見過5個人出現過；而張4人枱亦都留空左好長時間，最終都係俾另外3人入座。
咁點解最初我地3個唔可以坐呢？
(以上食評乃用戶個人意見 , 並不代表OpenRice之觀點。)
張貼
