香姐雲南米線 (已結業)

係FB 睇完個米線特輯，荃灣10間米線推介一間新開既米線！作爲米線控既我當然要試一試啦！我地叫左一個氣鍋雞，一個酸辣米線。氣鍋雞，我地expect 個份量應該大概係魚鱻既魚湯咁上下，黎到後份量比我地expect 既少一半，一碗仔幾舊雞，整體有d 似去茶餐廳加錢20蚊換既燉湯咁上下.... 係有d 失望，可能我 expectation 太高酸辣米線話說有佢地自家制既肉燥，但係份量好少，可能我叫中辣，所以唔多啦，咁如果叫少辣....應該會得兩粒肉🤔.... 餐牌寫既配料有好多，但係上菜就樣樣都得少少，仲冇左d 野添。突然我想起川味果碗大大碗，配料超多既都只係30幾蚊就有d 覺得自己唔抵.... 定係我期望太高？味道黎講香姐比一般既米線清淡，唔食濃味既人可能會buy... 但係對我黎講.... 食米線就係濃味先好食架啦！😋有一樣野好抵讚既，就係放係枱上面既自家制辣椒醬，味道好好！👍👍 仲有樽花椒粉係度等d 人自己架料！總括黎講，荃灣既米線店選擇真係太多，香姐可能會係我較後既選擇