影片
更多
2009-02-02
14 瀏覽
呢個舖位轉左幾次手,每次開張都有試,但次次都唔得,試完一次到下一次再食已經係新舖頭...唔通呢個舖位d風水唔好!?今次轉左做星馬餐廳,記得上次在第二度食過星馬野幾好食,便想試試呢間掂唔掂!2個人叫左個翠玉瓜豬頸肉煲、香草燒雞炒飯、三色冰和雜果奶酪。個炒飯正呀!Order完唔夠3分鐘就上菜,仲快過杯麵,係咪即叫即炒大家心知肚明啦!睇碟炒飯的表面,係一粒雞肉都無,用湯匙"不"起,先發現d雞肉係一堆咁埋左响中間....佢地係咪擺明想話比我知佢d飯係叮番熱就上菜呢????講明炒飯,點可能雞肉同飯唔係兜亂晒架????食左幾啖,d炒飯係無味的,淡茂茂,個廚師真係做得出色!$38一碟好好賺!!!跟住個翠肉瓜豬頸肉煲,d豬頸肉寥寥可數,2個人食都分唔到幾多塊...係用翠玉瓜墊底睇落先多...不過d汁都叫OK,係得佢d汁先可以撈到d炒飯食咋...跟住講食品,三色冰真係得多冰,d啫喱少到痺...雜果奶酪一般啦,無咩特別...但d罐頭雜果又係少得可憐...但最奇怪係個侍應,明明個煲仲有好多翠肉瓜,我就停左手,但我老公都係啱啱放低個碗飲啖水,個侍應就好似執唔切咁想拎走個煲!!後來佢見到我地仲要先收手,執隔離枱
今次轉左做星馬餐廳,記得上次在第二度食過星馬野幾好食,便想試試呢間掂唔掂!2個人叫左個翠玉瓜豬頸肉煲、香草燒雞炒飯、三色冰和雜果奶酪。
個炒飯正呀!Order完唔夠3分鐘就上菜,仲快過杯麵,係咪即叫即炒大家心知肚明啦!睇碟炒飯的表面,係一粒雞肉都無,用湯匙"不"起,先發現d雞肉係一堆咁埋左响中間....佢地係咪擺明想話比我知佢d飯係叮番熱就上菜呢????講明炒飯,點可能雞肉同飯唔係兜亂晒架????食左幾啖,d炒飯係無味的,淡茂茂,個廚師真係做得出色!$38一碟好好賺!!!
跟住個翠肉瓜豬頸肉煲,d豬頸肉寥寥可數,2個人食都分唔到幾多塊...係用翠玉瓜墊底睇落先多...不過d汁都叫OK,係得佢d汁先可以撈到d炒飯食咋...
跟住講食品,三色冰真係得多冰,d啫喱少到痺...雜果奶酪一般啦,無咩特別...但d罐頭雜果又係少得可憐...
但最奇怪係個侍應,明明個煲仲有好多翠肉瓜,我就停左手,但我老公都係啱啱放低個碗飲啖水,個侍應就好似執唔切咁想拎走個煲!!後來佢見到我地仲要先收手,執隔離枱的碗碟,不過佢轉個頭放底左d碗碟,前後唔夠一分鐘,佢又走過黎問都唔問就收左個煲!真係吹脤!好彩我老公都叫食飽算數!佢係咪收少個煲會少d人工??點解誓死要收走人地未食完的煲??
食完呢餐,真係完全唔掂!所謂星泰菜真係得個名...所有菜名加個星馬2個字就代表係星馬菜架咩??呢個舖位果然擺脫唔到難食+服務差的命運!真係去茶餐廳食仲平同好食呀!好期待下一手快d開業,轉間好d的食店黎啦!呢間真係唔駛旨意再幫襯!
張貼