更多
2008-12-06
18 瀏覽
簡直可以用 "望穿秋水" 來形容對香港 New York Fries 既期待..... 相信好多曾經晌美國﹑加拿大住過好幾年既朋友, 返到來香港食薯條既時候, 都會好似我咁, 或多或少會諗起遠在他鄉既 New York Fries... 店鋪未開幕, 店址已很高調地大大隻字寫住 "THE WAIT IS ALMOST OVER", 但官方對正式開幕日期,卻顯得甚為低調, 令眾 fans 更加渴望和期待。同時, 網上亦引起極大既迴嚮.... Facebook 既 NYF HK Fans Club 有過千名既 fans, 一起期待該店既來臨, 亦不斷猜測事前一路保密的正式開幕日期。有 fans 更定期去到該鋪店址詢問, 連裝修哥哥都唔放過, 得出既答案卻令人失望, 話起碼要到一月頭先會開幕.... 12 月 6 日 (星期六), 比平日早左起床, 一上網就見到食記友人既 message, 話 NYF HK 今日正式開幕, 於是便立刻飛身到該店看個究竟..... 原來真係開左啊~ 官方消息的開幕時間為上午 11:30, 自己 11:25 到達, 已經見到店鋪已經在營業中, 並且有數名顧客吃
相信好多曾經晌美國﹑加拿大住過好幾年既朋友, 返到來香港食薯條既時候, 都會好似我咁, 或多或少會諗起遠在他鄉既 New York Fries...
店鋪未開幕, 店址已很高調地大大隻字寫住 "THE WAIT IS ALMOST OVER", 但官方對正式開幕日期,卻顯得甚為低調, 令眾 fans 更加渴望和期待。同時, 網上亦引起極大既迴嚮.... Facebook 既 NYF HK Fans Club 有過千名既 fans, 一起期待該店既來臨, 亦不斷猜測事前一路保密的正式開幕日期。有 fans 更定期去到該鋪店址詢問, 連裝修哥哥都唔放過, 得出既答案卻令人失望, 話起碼要到一月頭先會開幕....
12 月 6 日 (星期六), 比平日早左起床, 一上網就見到食記友人既 message, 話 NYF HK 今日正式開幕, 於是便立刻飛身到該店看個究竟..... 原來真係開左啊~
官方消息的開幕時間為上午 11:30, 自己 11:25 到達, 已經見到店鋪已經在營業中, 並且有數名顧客吃著 Poutine 同 The Works.... 店鋪門外一大堆既祝賀花牌, 格局為一貫美式簡約主義, 面積卻比想像中小, 一共只有 12 個坐位 (三張四人檯 或 六張二人檯) 和一列企位, 相信繁忙時間會成為重災區, 實在難以想像.... 亦慶幸自己可以晌此時此刻光顧~
店鋪人手極多, 至少比其坐位數目既 12 位多, 四五位店員拎住 demo size 既薯條晌店鋪外作招徠, 其他人手則大部份留晌櫃位和廚房區, 包括該店特許經營權持有人 Thomas, 兩名相信是 NYF 總公司過來協助的外藉人士, 還有一位西裝骨骨看似是老闆或高層的人士.... 看來公司頗為重視呢次既開幕啊.....
因太熟悉 menu 既關係, 基本上睇都唔駛睇, 就叫左招牌 Poutine 來試, 價錢則是 Small Size $30 / Regular Size $37, 要連埋汽水既 Combo 就要加多 $7。
等候期間, 見到圓型金屬餐盤, 上面精美同吸引既餐紙, 已叫人食指大動~ 畢竟 Marketing 一向是 NYF 既強項....... 等左大約 5-10 分鐘左右, 名物 Poutine 終於出場, 一粒粒既軟芝士 + 無敵牛肉汁 Gravy + 薯條, 就係咁簡單!!!
薯條 - 熱辣辣, 大部份都做到外脆內軟兼唔空心既效果 (亦係 NYF 標榜自己唔係 "Factory Fries" 既賣點), 唯獨食到底部既時候, 薯條開始變軟, 可能同 small size 既杯裝設計不容易令蒸氣流失有關, 相信 regular size 既兜型設計應該唔會有呢個問題....
Gravy - 完全無敵!!! 濃烈既牛肉味, 質感唔會做到一般餐廳果種"水汪汪"既感覺, 將薯條放落去, D Gravy 真係會成條薯條包住架~ 我呢個 "汁怪" 一向都覺得 NYF Poutine 既 Gravy 份量唔夠, 香港店亦係一樣, 所以 "追加 Gravy" ($6.5) 必定係我既 "指定動作"
Cheese - 自己唔係 cheese lover, 但 NYF 既 Cheese 一向做到煙韌有口感, 唔太濃烈既芝士味, 加埋 Gravy 同薯條放落口真係 Fantastic~!!
服務方面, 大部份店員 (包括各老闆和高層) 都和藹可親, 笑容滿面, 態度殷勤。奈何, 是次到訪卻發生一段小插曲.....
新店開幕, 拍照乃是人之常情.... 未入店鋪, 我已經拿起相機在門口拍照 (此時我身旁亦有一位西裝骨骨的人士和我一起拍照, 後來發覺他應該是該店的高層), 向著廚房拍照時, 外藉店員亦非常親切地對我微笑, 但是, 當我向著 menu 拍攝時, 其中一位個子較高, 戴眼鏡的店員 (不是 Thomas) 就對我講, 話 "個 menu 唔可以影架".... OK, 無問題, 我亦明白同尊重店鋪既商業角度.... 幾分鐘後, 我影店鋪其他地方, 又再一次被該店員阻止, 並大大聲叫出來 "呢度唔俾影相架~", 我大感不滿, 並回應對方 "你頭先話唔俾影 menu 咋渦~", 即時興致大失, 並感到無奈..... 因為當時顧客並不多, 我拎著相機影相既時候其實包括管理層在內的所有店員都睇到, 既然全店的管理人員都無阻止, 並頗為歡迎我影相既時候, 點解我會俾一個小小既店員兩次兼不禮貌地阻止拍照呢?
之後, 當我正想快些吃完 Poutine 離開既時候, 該店員主動走過來, 並向之前發生既事件作出致歉, 話自己語氣大左, 同話呢個係多倫多總公司定落黎既規例。事實, 問題不在於唔准影相的規例上, 而是店員話 "唔准影 menu" (而唔係其地方) 同其語氣既問題。
最後店員還奉上一張可能係該店首張發出既 NYF HK 贈券, 作為一個小小既補償。
希望上述事件只是因為店鋪首日營業, 店員首次面對這些情況才會發生吧~ 因為我好肯定, 晌未來既日子, 一定會不斷地有無數既 fans 前來朝聖和拍照, 店方應該作出相應既應變措施來照顧這班 fans 啊~
張貼
