八月堂 (已結業)

八月堂係台灣人氣牛角包專門店，每日即場烘製，出名酥脆鬆軟，款式多多，有咸有甜，而且不定期有新口味推出，令人期待。新開張做緊優惠，買五送一，於是買左六個，三種不同口味牛角包試下。繽紛草莓可頌 有數片草莓作餡料，食落酸酸甜甜，如果有多啲吉士醬就更加好。青森蜜富士蘋果可頌 塞滿蘋果粒，味道好清爽，係我鍾意嘅味道。可可牛奶熊 外型非常可愛，小朋友見到一定好鍾意，五官由朱古力組成，入面係香濃朱古力忌廉，好味又邪惡。