Ocio (東港城) (已結業)

呢間餐廳肥雞一直都bookmark咗好耐， 聽聞佢嘅waffle同pancake都好出名.為咗留肚食肥雞一直都好想食好耐嘅甜品，肥雞晚餐決定食少啲， 帶咗個黑松露芝士薯條。 佢嘅黑松露芝士薯條一上枱， 熱辣辣嘅黑松露醬散發出誘人嘅香味， 配上半溶嘅芝士， 肥雞每食一條薯條都會沾上黑松露醬同埋芝士， 黑松露油嘅香氣直衝腦門。 玖瓏蜜瓜雪山， 一個肥雞見到咗好耐嘅甜品，一上枱佢嘅造型簡直令人個心都融化。 香甜嘅雲呢拿雪糕半上焦糖醬， 加埋香脆嘅星星碎片， 仲有清香嘅蜜瓜， 鬆軟嘅蛋糕， 每一啖都充滿咗甜蜜嘅香氣。