小肥羊 (已結業)

素聞『小肥羊』大名，終於有機會去喇。某星期六，朋友打電話訂20:30檯，我們提早20:00到達，最終都要到20:45先至有檯。食物方面：鴛鴦窩底- 可能係我對湯底期望太高！白湯太鹹，紅湯唔夠辣。肥羊粉(粗) - 質感相當好，值得推薦。羊肉串- 八蚊一串又乾又硬，旺角街邊檔都好食過佢！羊里肌、精選內蒙羔羊肉- 不過不失。脆肉鯇、枝竹- 不過不失。黃金大餅- 皮脆心軟，不錯的選擇，如果可以炸完盡快送上檯會更好！再加一份煎餃及一枝可樂。盛惠HK$470.00食物~ 不過不失啦。服務~ 趕執檯，趕收碟，趕埋單。趕客乎？等位時間長，但等位空間更惡劣！區區一個幾十尺的所謂『大堂』站滿了等候的七八十人！爭執亦因此而起！盼有關方面從善如流作出改善。