影片
更多
2021-08-01
32 瀏覽
星期日嘅上環同平日唔一樣，因為多咗一份寧靜😄，而放假嘅我最鍾意就係無所事事。食完早餐之後，我同朋友決定嚟到「Bluebird Coffee」朝聖，歇吓腳，慢活一下。Coffee Shop佔地面積大，連入口都有兩邊。呢度不乏室外打卡位(對我嚟講：太熱🙈)，而且更設有上層雅座。上層樓底唔高，不過有梳化位、吧枱位同地台，環境Chill到爆！留意返，如果揀食物嘅話就要落返樓下🙏🏻。小店主打咖啡飲品同輕食，款式幾多，價錢亦都合理。如果喺上環出沒，我毫無懸念地會選擇嚟呢度幫襯，而唔係連鎖店😜。破曉First Light($56/特大Venti)，佢其實即係蜜糖脆脆伯爵茶鮮奶咖啡☕️，Latte比較啱我呢類唔飲慣咖啡嘅人。飲落覺得口感非常細滑，伯爵茶香喺口中慢慢滲透出嚟，淡淡回甘。至於蜜糖脆脆就非肉眼所見，相信已經溶透並帶走咗咖啡嘅苦味。朱古力心太軟配雪糕Chocolate Fondant w/ House Blend Affogato($98)，甜品相對較貴，不過造型搭夠，佢唔止得件蛋糕，旁邊仲配有焗杏仁片、雲呢拿雪糕🍨同特濃咖啡，可以自製Affogato。心太軟流心效果一般，🍫但個朱古力味就幾正，
星期日嘅上環同平日唔一樣，因為多咗一份寧靜😄，而放假嘅我最鍾意就係無所事事。食完早餐之後，我同朋友決定嚟到「Bluebird Coffee」朝聖，歇吓腳，慢活一下。
Coffee Shop佔地面積大，連入口都有兩邊。呢度不乏室外打卡位(對我嚟講：太熱🙈)，而且更設有上層雅座。上層樓底唔高，不過有梳化位、吧枱位同地台，環境Chill到爆！留意返，如果揀食物嘅話就要落返樓下🙏🏻。
小店主打咖啡飲品同輕食，款式幾多，價錢亦都合理。如果喺上環出沒，我毫無懸念地會選擇嚟呢度幫襯，而唔係連鎖店😜。
破曉
$56
2 瀏覽
0 讚好
0 留言
朱古力心太軟配雪糕Chocolate Fondant w/ House Blend Affogato($98)，甜品相對較貴，不過造型搭夠，佢唔止得件蛋糕，旁邊仲配有焗杏仁片、雲呢拿雪糕🍨同特濃咖啡，可以自製Affogato。心太軟流心效果一般，🍫但個朱古力味就幾正，濃郁得嚟唔苦澀，甜度適中。
蘋果貝殼酥Apple Turnover($34)，貝殼酥嘅造型幾得意，因為脹卜卜有裙邊。酥餅鬆化，帶有微微牛油香，內裡就充滿住蘋果蓉🍎，味道唔太酸，易入口。如果可以加入玉桂味就更正。
芝士菠菜酥Spinach Feta Cheese Lattice($37)，佢係少有嘅鹹味餅點，望見每個洞入面嘅餡就想食。🧀🌿芝士菠菜打碎哂，味道恰到好處，唔會太膩，但個酥本身就偏韌，扣咗少少分。
題外話，小店提供七種咖啡豆以供選擇，識飲之人一定很歡喜💕。
總括嚟講，我幾鍾意今日飲嗰杯Latte，食物味道都OK👌。如果嚟食午餐的話可揀三文治或者沙律。但計我話，醉翁之意不在酒，嚟坐吓、打吓卡已經值回票價，你更可帶埋你隻毛孩一齊到訪呢🐶✨✨。
張貼
