Lucky Smash (已結業)

哈哈哈！Burger之鬼為咗見證下教父Manu嘅新店，老遠入到去荃灣西，平時嚟呢頭最吸引我嘅只有The Mills、Donki同 #嘉樂冰廳，不過依家似乎又多咗個原因，就係burger！感謝google嘅神carry，令我一個不至迷失於荃灣西，總算順利達陣－Lucky Smash行運漢堡。紅色嘅裝潢設計同大大個招牌極度吸引眼球，真係大近視都會睇到。小店只做外賣，到步已見有人潮等候。------雙層芝士牛肉漢堡漢堡選擇唔多，分別係牛肉漢堡、芝牛肉漢堡、雙層芝士牛肉漢堡同埋熱狗（好似玩緊擴充句子lol），無慮即決嘅選擇係呢款 #孖芝，亦應讓係全menu最最最邪惡嘅款式！雙層安格斯手打牛真係滿分juicy，同burger joys出品如出一徹，但性價比明顯更高，不過包體就係有啲失望，用上普通麵包，拎到附近公園時經已變稔，同時亦影響到賣相。