味蔵 by city’super (已結業)

我同老公平時都做鍾意食日本嘢，知道city’super開咗一間特色嘅日本餐廳，今個weekend就同老公嚟呢度朝聖下啦！😤😤✅是日小食三點盛合。今日嘅小食三點呢就有煙燻雞腎，火炙明太子同埋燒魷魚軟骨。三款小食都係啲好爽口嘅小食，好爽脆，用嚟送酒👍一流！✅金平牛蒡沙律。個沙律好特別啊！牛蒡，配埋沙律菜好爽口，開胃清新！✅宇都宮燒餃子。餃子外脆內軟，脆脆嘅餃子皮，個餡都仲充滿肉汁，好好食。日本餃子，my Favorite。✅天婦羅盛合。天婦羅炸得剛剛好，香脆得來又唔會流失蝦嘅鮮味。除咗蝦之外仲有好多其他天婦羅嘅選擇。鍾意食香口嘢嘅朋友，一定要嗌呢個啊。✅烏魚籽蕎麥麵。清清地咁，好開胃，讚呀讚呀👍👍蕎麥麵爽口彈牙，😙食到爍爍聲。曾經睇過一篇報道，響日本食麵要食到su su聲咁，先係對師傅嘅一個尊重哈哈！🤌✅海鮮盛合。呢個唔使講啦！o my god，好多料，有勁多海鮮，有蝦🦐啦，魚啦，仲有我至愛嘅😍帆立貝添！海鮮配搭埋勁多唔同種類嘅菇，湯底清清淡淡得來又充滿日式風味🇯🇵好正呀！好彩今次食dinner可以坐到卡位，環境好舒服，仲有個靚景添！