吉列牛忌廉烏冬專門店 (百樂中心) (已結業)

作為韓國忠粉，出街食飯梗係要食韓國菜啦！ 一直好想試吉列牛忌廉烏冬專門店 , 原來喺銅鑼灣就有間！Happy Friday就一於去試下！餐廳喺耀華街, 成棟大廈都係餐廳咁濟! menu當然主打吉列牛同烏冬, 二人餐都幾抵食，$246 有古列牛，飯、烏冬，前菜沙律，一次過可試勻招牌菜！正！🥩🍚吉列牛定食 （吉列牛、白飯、 麵豉湯、麻醬豆腐同車厘子沙律）主角吉列牛果然不負所望！賣相出色！表皮炸至酥脆，肉裡粉紅色嘅牛肉大約3成熟，真正外脆內嫩，最正係自己用熱石燒返熟件牛，自己控制生熟度！一路燒仲勁香！燒得熟左小小嘅肉質都係好嫩完全唔韌！推介！ 🍜咖哩忌廉烏冬Igable嘅忌廉烏冬！白雪雪嘅忌廉下面係濃郁咖哩牛肉烏冬！攪勻果下真係好治瘉！初初以為咁多忌廉會好膩！但係食落完全唔會，煙韌嘅烏冬咖哩味香濃，配埋肉粒同菇類一齊食，非常掛湯！好味！🥟雞軟骨餃子煎得香脆嘅餃子皮包住粒粒雞軟骨！口感特別，唔錯！🧃 Rose Garden同 Citrus Ocean ，前者花味清香！後者酸酸甜甜，兩杯都好清新好味！