當文歷餅店 by Dominique Ansel (已結業)

cap低咗個圖即係代表我好想去試吓。終於等到今日嘅機會，一個人嘅好處就係唔想使約黎約去，想去就去。其實係IFC嗰間外賣舖頭已經幫襯過，去買新年小禮物送俾人, 鍾意食嘅朋友一定啱，仲可以打卡添！今次黎試堂食仲驚死好多人排隊朝聖，點知等都唔使等就可以入去，仲有梳化位坐添！本身係為咗買牛角酥方包，點知睇咗Menu好多款都已經sold out ，好彩重有last 一件sausage roll (成$32）咁貴都即刻買咗😜驚死俾人買埋跟手我就入咗去坐低堂食。其實已經有心水要叫乜嘢，比嗰個花生🥜外型嘅沙嗲牛肉包吸引咗，其實仲有兩樣都好想試吓嘅，留返下次啦！花生外殼質地有啲似街邊格仔餅嘅質地，中間嘅牛肉應該係用咗肥牛，配埋佢嘅沙嗲醬，滿滿嘅花生香（好懷念以前成日食沙嗲牛肉麵）賣相一流不過我覺得我食一次咁多就夠。跟餐可以揀杯嘢飲，我就揀咗latte。個人覺得可以細杯返啲，我未試過飲咖啡飲晒囉。