影片
更多
2021-08-01
711 瀏覽
出名難book既Rosewood Afternoontea終於食到啦😍要每個月準時九點上網預約，真係好搶手！位於Rosewood 既Butterfly Room 真係名不虛傳！可以算係我最中意既Tea 既頭幾位🥰佢有別於傳統既三層架，而係會有兩款甜品既Trolley推出黎俾客人選擇，而且仲可以Refill😋 除咗鹹點，所有都可以refill。Afternoon Tea Menu:Tea Sandwiches Freshly Baked Delicacies Confectionery TrolleyPastry TrolleyTea Selection ($798 For Two)《Tea Sandwiches》 一開始會先上鹹點，今次清一色都係三文治，同之前Menu唔同，無左其他種類既鹹點，有點失望。當中有牛油果蟹肉、芝士火腿、魚子醬煙三文魚同黑松露雞蛋三文治。最喜歡牛油果蟹肉。芝士火腿三文治超濃郁芝士味，但會食到好漏😂 之後仲有一杯細細杯既松露磨菇忌廉湯，味道濃郁😋《Freshly Baked Delicacies》其實就係Scone，有原味同有提子乾兩款，配Clotted Cre
出名難book既Rosewood Afternoontea終於食到啦😍要每個月準時九點上網預約，真係好搶手！位於Rosewood 既Butterfly Room 真係名不虛傳！可以算係我最中意既Tea 既頭幾位🥰佢有別於傳統既三層架，而係會有兩款甜品既Trolley推出黎俾客人選擇，而且仲可以Refill😋 除咗鹹點，所有都可以refill。
Afternoon Tea Menu:
Tea Sandwiches
Freshly Baked Delicacies
Confectionery Trolley
Pastry Trolley
Tea Selection
($798 For Two)
《Tea Sandwiches》
一開始會先上鹹點，今次清一色都係三文治，同之前Menu唔同，無左其他種類既鹹點，有點失望。當中有牛油果蟹肉、芝士火腿、魚子醬煙三文魚同黑松露雞蛋三文治。最喜歡牛油果蟹肉。芝士火腿三文治超濃郁芝士味，但會食到好漏😂 之後仲有一杯細細杯既松露磨菇忌廉湯，味道濃郁😋
《Freshly Baked Delicacies》
其實就係Scone，有原味同有提子乾兩款，配Clotted Cream、香橙醬同草莓醬，份量好大，有D浪費其實😂 Clotted cream 味道較淡，香橙醬有驚喜，好Fresh，草莓醬偏酸。 Scone 表面好脆，不過偏乾身，唔算好驚喜。
《Confectionery Trolley》
係一系列以朱古力為主既甜品，有黑森林蛋糕、香蕉朱古力撻、Brownies、草莓白朱古力Mousse同果仁提子乾Chocolate Bar。啱唒朱古力粉絲，但唔太好朱古力既我覺得好漏😂建議一件同人Share已經好夠，太多會食唔落其他。整體朱古力都好香濃！黑森林好濃冧酒味，香蕉朱古力撻食唔到香蕉味，Brownies 有啲太漏，最愛草莓白朱古力Mousse ，非常柔滑，草莓酸酸地中和返白朱古力既甜膩。
《Pastry Trolley》
另一架甜品車，有佢地Signature 既雲尼拿拿破崙、 Caramel Cheesecake、斑蘭撻、荔枝Mousse Cake同Madeleine 蛋糕。拿破崙真係冇令我失望，好脆但唔會碎唒，個Vanilla Cream好creamy 而且好香，仲見到有Vanllia Seed，好好味！ Caeamel Cheesecake 都好出色，上面既Cream好幼滑，個焦糖味冇想像中咁甜，不過始終係Cheesecake 食幾啖會好滯😂 餅底下面仲有層白朱古力仲有少少Nuts，好特色而且增添多層口感。斑蘭撻好香斑蘭味，好Smooth好Creamy。茘枝Mousse Cake 好清新，係最唔漏既一款甜品，入面仲有荔枝Jelly 包住果肉。Madeleine 有啲一般，有淡淡檸檬味但較乾身。
《Tea Selection》
淨係茶都有14款，眼花撩亂！最後揀左Hot Chocolate 同Ocean Voyage 。Hot chocolate 好香濃但冇得refill，茶類同Coffee都可以refill的，建議選擇茶因為可以消消滯。Ocean Voyage 係一款Green Tea，加入檸檬同水果仲有花香，飲落好清好舒服。
P.S. 之前Mail佢地想加生日牌慶生，佢地都好細心加左蠟燭同朱古力牌俾我地👍🏻
張貼
