影片
更多
2017-01-16
407 瀏覽
終於都考完試，放sem brea啦! 之前一路返工又返學，都無咩時間陪屋企人，難得今日媽媽得閒，就同佢出尖沙咀試下呢間人人都讚不絕口既定食Doraya~Foodie們都知道H8層層都有好野食，Doraya都係開係呢度，出左地鐵站行5分鐘左右就到，好方便~ 上到去大概1點半，有4-5檯客人，有d幾個朋友黎食，有女仔黎girl's talk，我地就坐左係一pair情侶隔離。佢既間隔設計幾好，同一張檯兩邊都有位行出去，方便去沙律吧拎沙律食黎到緊係食佢最出名既定食，我超鐘意食海膽，都唔使睇餐牌咁滯就絕定食個海膽香蔥拖羅蓉定食! 媽媽就終意食三文魚多d，所以揀左燒三文魚定食，睇到張相已經好肚餓!星期一至五既午餐都包自助沙律吧，落完單無幾耐侍應就拎沙律碗黎比我地拎沙律食。沙律吧食材新鮮，選擇亦都幾多，有沙律菜，車厘茄，紅腰豆，日式薯仔沙律等等，最大驚喜係有秋葵! 出面唔係好多地方有得食，仲要係用黎做沙律，非常fresh，拎左滿滿一碗食，大滿足!大家睇下呢碗海膽拖羅飯，d海膽幾咁大隻!真材實料，分量好夠，下面仲有多一隻添呀!忍唔住即刻食左一啖，果種海膽既鮮味，其他海鮮食唔到，濃濃既海水味，入即溶既c
Foodie們都知道H8層層都有好野食，Doraya都係開係呢度，出左地鐵站行5分鐘左右就到，好方便~
上到去大概1點半，有4-5檯客人，有d幾個朋友黎食，有女仔黎girl's talk，我地就坐左係一pair情侶隔離。佢既間隔設計幾好，同一張檯兩邊都有位行出去，方便去沙律吧拎沙律食
黎到緊係食佢最出名既定食，我超鐘意食海膽，都唔使睇餐牌咁滯就絕定食個海膽香蔥拖羅蓉定食!
媽媽就終意食三文魚多d，所以揀左燒三文魚定食，睇到張相已經好肚餓!
星期一至五既午餐都包自助沙律吧，落完單無幾耐侍應就拎沙律碗黎比我地拎沙律食。
沙律吧食材新鮮，選擇亦都幾多，有沙律菜，車厘茄，紅腰豆，日式薯仔沙律等等，最大驚喜係有秋葵! 出面唔係好多地方有得食，仲要係用黎做沙律，非常fresh，拎左滿滿一碗食，大滿足!
大家睇下呢碗海膽拖羅飯，d海膽幾咁大隻!真材實料，分量好夠，下面仲有多一隻添呀!
忍唔住即刻食左一啖，果種海膽既鮮味，其他海鮮食唔到，濃濃既海水味，入即溶既creamy口感，係我食過最好食既海膽之一!
拖羅蓉都不遑多讓，撈埋d飯同京蔥一齊食，落少少豉油wasabi，滿滿的吞拿魚油香，食過返尋味!
順帶一提，佢地既wasabi係新鮮山葵磨出黎，唔會太辣之餘，仲食到一粒粒wasabi顆粒，真係好香好新鮮。
定食另外仲有熱湯烏冬，茶碗蒸同小菜，食完飽晒。
媽媽既三文魚定食分量亦都唔少，舊燒三文魚已經大大舊，另外仲有三文魚蓉飯，玉子燒，蟹子青瓜沙律同厚切三文魚刺身，加一碗麵豉湯。
燒三文魚真係要比個like! 燒得岩岩好，魚肉好滑好嫩，又有炭火香味，魚皮燒得香脆，咬落去有聲! 不得了😂
刺身厚切唔使多講，食落一定係無得輸，睇媽媽一件不留食晒就知。
另外佢個麵豉湯唔係好似連鎖店咁用粉黎開，而係慢慢熬出黎，唔會死鹹，而係清清地，充滿麵豉香味，飲完好滿足，唔使飲水清走鹹味，真係好好味~
雖然家住新界，出到尖沙咀話遠唔遠，話近都唔近，但食到咁高質素既刺身定食，啖啖都大滿足，一個鐘車程絕對值得投資!
期待下次再食!
張貼
