全記點心專門店 (已結業)

門口貼住早餐孖寶任選兩個點心都係$32 ，食得多茶記早餐悶悶地都想轉下口味，而且選擇都唔算少一個人去飲茶係麻煩啲，最唔想就係同人塔枱，野食未到要你眼望我眼咁，而且店內位置唔太寬闊，最後決定外賣。落完單係門市等左起碼20 分鐘先有得拎，只能講點心專門店黎講算係有啲啲慢，不過摸上手又真係夠熱，即叫即蒸就由佢啦⋯⋯趕時間就要諗諗啦。瑤柱菜苗餃同干蒸牛肉燒賣牛肉燒賣即使去到茶樓都好少有得食，呢度有都算小驚喜，味道唔太差，唔會成口油/一堆粉味，菜苗餃就真係好普通，唔試都無損失