奇納百川 (已結業)

位於海港城LCX 嘅奇納百川係一間韓式餐廳！餐廳主打新派打卡嘅韓食～新菜式就會show番係呢個餐牌！但講到呢間餐廳最吸引我嘅地方就一個超級無敵大屈晒機嘅海景！望住個海用餐，食咩都覺得開心好味D! 藍紫泡泡$70藍莓口味嘅梳打，入面有好多奇亞籽，增加口感！ 明太子蛋卷紫菜包飯卷 $108 作為明太子控嘅我必點，豐富嘅紮實嘅餡料！配嘅都係加入了明太子嘅美奶滋～奇納百川沙律 $148 配料超豐富嘅招牌沙律🥗配上清新酸甜嘅韓式柚子醬。（雞蛋、牛油果🥑、雞肉、豬肉、牛肉、芝士、野菜）烤煙腩蛋黃忌廉手搓粉 $168 熟悉卡邦尼口味，手搓粉口感煙韌QQ!嗜辣嘅還有另一個加入泡菜版本！