Mulino (已結業)

無論食物、裝修、侍應同個vibe都好有異國風情，隔條馬路就係尖東海旁，如果飲嘢坐outdoor位都幾有情調，主打意大利/地中海菜~🔘Mix Mediterranean Dips 三款沾醬各有特色，最喜歡係地中海菜嘅代表鷹嘴豆泥，紅椒就比較惹味，最後一款味道酸酸地似加咗乳酪，問咗店員原來係茄子加乳酪，非常獨特嘅口味，食食吓可以清晒啲粟米片~🔘Shrimp Scampi 用上大隻虎蝦，肉質爽彈，食到蒜片加白洒嘅香味~🔘Squid Ink Linguine with Crap Meat 見到亦食到好多蟹肉，幾鮮甜啖啖肉，意粉粗身口感煙韌，調味唔錯少少辣味~🔘Beef Steak with caramelised onion麵包、牛扒同焦糖洋蔥完美結合，牛扒粉嫩仲要份量唔少，醬汁好似係酸酸地嘅芒果醬，同牛扒好夾~🔘Pistachio Puff Cake見到有開心果味千層酥即刻心心眼，千層酥皮口感鬆脆不膩，帶有淡淡牛油香，夾著濃郁的開心果醬，整體唔會過甜~