影片
更多
2022-08-23
1004 瀏覽
餐廳：星滙演 (尖沙咀)地址：尖沙咀麼地道66號尖沙咀中心3樓最近鍾意去一啲有靚景嘅餐廳食飯，畢竟生活壓力大，有時好想搵個地方，放低生活繁瑣嘅事，望住靚景食餐好嘅飯🏙，舒舒服服咁享受屬於自己嘅假期尖沙咀呢間6月先開嘅西式fusion餐廳星滙演 有大型舞台、超巨型LED天幕，仲有成個維港靚景🌆，除咗平時嚟食飯之外仲可以包場搞Events、宴會🥂，確實喺一個唔錯嘅選擇👍星滙演嘅Lunch Set款式每半個月至一個月就會轉一次，主要都喺睇返有啲咩時令食材而炮製相應嘅主食。8月1至8月31日佢哋仲推出咗Lunct Set 8折promotion🎊，夜晚唔同嘅Set Dinner亦分別有8折同9折優惠，識食緊喺趁住仲有優惠食盡佢啦😏Lunch Set包是日餐湯或者精選沙律，另外有一份主食、甜品🍰、茶或咖啡☕️。先嚟咗份燕麥餐包，餐湯喺蕃茄濃湯，沙律喺有鷹嘴豆、車厘茄、藜麥、滑豆腐嘅胡麻醬沙律🥗，飲品叫咗杯熱奶茶同熱咖啡，望住維港靚景嘅情況吓食咩都格外好味😋✝️焗脆豬柳圈配薯蓉洋蔥汁 $236半圓嘅豬柳圈圈皮肉相連，豬皮烤焗得非常香脆可口，放入口以為食緊乳豬咁😍，比乳豬嘅皮更厚更脆，豬柳肉喺豬肉入面比
地址：尖沙咀麼地道66號尖沙咀中心3樓
最近鍾意去一啲有靚景嘅餐廳食飯，畢竟生活壓力大，有時好想搵個地方，放低生活繁瑣嘅事，望住靚景食餐好嘅飯🏙，舒舒服服咁享受屬於自己嘅假期
尖沙咀呢間6月先開嘅西式fusion餐廳星滙演 有大型舞台、超巨型LED天幕，仲有成個維港靚景🌆，除咗平時嚟食飯之外仲可以包場搞Events、宴會🥂，確實喺一個唔錯嘅選擇👍
星滙演嘅Lunch Set款式每半個月至一個月就會轉一次，主要都喺睇返有啲咩時令食材而炮製相應嘅主食。8月1至8月31日佢哋仲推出咗Lunct Set 8折promotion🎊，夜晚唔同嘅Set Dinner亦分別有8折同9折優惠，識食緊喺趁住仲有優惠食盡佢啦😏
Lunch Set包是日餐湯或者精選沙律，另外有一份主食、甜品🍰、茶或咖啡☕️。
先嚟咗份燕麥餐包，
餐湯喺蕃茄濃湯，
沙律喺有鷹嘴豆、車厘茄、藜麥、滑豆腐嘅胡麻醬沙律🥗，
飲品叫咗杯熱奶茶同熱咖啡，望住維港靚景嘅情況吓食咩都格外好味😋
✝️焗脆豬柳圈配薯蓉洋蔥汁 $236
半圓嘅豬柳圈圈皮肉相連，豬皮烤焗得非常香脆可口，放入口以為食緊乳豬咁😍，比乳豬嘅皮更厚更脆，
豬柳肉喺豬肉入面比較瘦同柔嫩嘅部位，肉中無筋，有濃郁嘅豬肉香🐷，配埋自家製洋蔥汁中和咗肥膩感，仲有夠晒特色嘅紫薯蓉做伴菜
✝️美國頂級西冷配川式炒雜菜 $256
將美國頂級西冷切成條狀🥩，接近五成熟嘅西冷牛扒整齊咁排列喺碟上，食落非常方便，
西冷肉味香濃，肉質豐腴，一咬有好多肉汁💦，仲可以按喜好配埋芝麻燒汁、黑椒或粗鹽一齊食，伴菜有惹味香辣嘅川式炒雜菜野菌，好一個中西合璧嘅配搭😎
最後甜品叫咗份朱古力蛋糕同巨峰提子卷蛋，
除咗灑咗啲糖霜之外仲有士多啤梨做裝飾🍓，咁精美食之前緊喺打張卡先啦📸
張貼
