影片
更多
2021-04-10
1012 瀏覽
2021年4月5日 星期一嚟到長假期嘅第三日，已經開始唔係好分到今日係星期幾，因為放假放到唔知時間。。好彩今日同老婆約班舊同事出去玩，於是特別提早左出門口，仲有時間食個lunch添我哋專登行過去銅鑼灣海旁嗰邊，睇吓有咩餐廳，因為平時都好少行過去，發現到呢度有一間食burger嘅餐廳burger嘅款式都幾特別，就好似呢一個係用咗帕爾馬火腿配mozzarella cheese，價錢都唔算太貴另外仲見到餐牌有好多食物選擇，睇落好似好吸引咁，同埋呢個價錢可以對住個海食嘢都真係幾抵，所以就入去試吓好快我哋就已經決定好食咩，等咗大約10幾分鐘之後，首先嚟到嘅係burger，經典之堡，賣相都幾吸引，有少少沙律菜伴碟個burger咬落去幾多汁，上下兩塊漢堡包好明顯有烤過，所以食落去脆脆地，至於中間嘅牛肉味道好出，調味好足夠，配埋清新嘅蕃茄同芝士，味道好平衡之後當然唔少得burger既最佳拍檔炸薯條，呢一款係黑松露沙律醬薯條，除咗黑松露沙律醬之外，餐廳仲準備埋茄汁同moo moo汁，薯條炸得好香脆，而且食落去唔算太油膩，點埋黑松露沙律醬一齊食，味道酸酸地幾開胃同香口最後仲點左瑪格麗特薄餅，見到有羅勒、蕃
嚟到長假期嘅第三日，已經開始唔係好分到今日係星期幾，因為放假放到唔知時間。。
好彩今日同老婆約班舊同事出去玩，於是特別提早左出門口，仲有時間食個lunch添
我哋專登行過去銅鑼灣海旁嗰邊，睇吓有咩餐廳，因為平時都好少行過去，發現到呢度有一間食burger嘅餐廳
burger嘅款式都幾特別，就好似呢一個係用咗帕爾馬火腿配mozzarella cheese，價錢都唔算太貴
另外仲見到餐牌有好多食物選擇，睇落好似好吸引咁，同埋呢個價錢可以對住個海食嘢都真係幾抵，所以就入去試吓
好快我哋就已經決定好食咩，等咗大約10幾分鐘之後，首先嚟到嘅係burger，經典之堡，賣相都幾吸引，有少少沙律菜伴碟
個burger咬落去幾多汁，上下兩塊漢堡包好明顯有烤過，所以食落去脆脆地，至於中間嘅牛肉味道好出，調味好足夠，配埋清新嘅蕃茄同芝士，味道好平衡
之後當然唔少得burger既最佳拍檔炸薯條，呢一款係黑松露沙律醬薯條，除咗黑松露沙律醬之外，餐廳仲準備埋茄汁同moo moo汁，薯條炸得好香脆，而且食落去唔算太油膩，點埋黑松露沙律醬一齊食，味道酸酸地幾開胃同香口
最後仲點左瑪格麗特薄餅，見到有羅勒、蕃茄、芝士、一啲香草同番茄醬，除了雖然好簡單，不過調味啱啱好，食落去好夠味，可以食得出芝士嘅香味同濃郁，芝士甚至可以拉絲出嚟添！！
雖然食左唔算太多野，不過食完之後都覺得幾飽，加上可以望到咁靚嘅海景，加分！！
張貼
