奇納百川 (已結業)

呢間餐廳嘅招牌logo勁可愛，肥嘟嘟，而且知道有三張近海嘅大枱，一早已經好想等天氣好嘅時候嚟食飯！香辣豚肉定食豚肉份量好多，唔會乾身係韓國個種辣中帶甜，醬汁令豚肉多份juicy ，裏面仲有海量嘅洋蔥同埋冬菇片，令口感更加爽口，配飯好正！奇納百川沙律果然係招牌沙律，配料一蘿蘿：牛油果、雞肉、牛肉、蕃茄仔、煙肉、雞蛋，每款肉類本身都已經有醃料味，再加上酸酸甜甜嘅柚子醋醬汁，特別開胃，而且一盤份量非常之多，係健康得來又飽肚嘅選擇！鮮奶紫芋一上枱外型超級討好，漸層好靚，飲落好似雪糕咁厚實，鮮奶同香芋打得好均勻。黑糖生薑燕麥奶養生飲品首選，黑糖同生薑絲係另外配嘅，自己加上適當嘅份量再撈匀。唔會太甜，生薑微嗆但飲完喉嚨暖暖地好舒服。煎餃子外皮脆卜卜，非常香口，裏面嘅餡料比較齋，但係口感都不俗。最正係裏面有粗身粉絲好爽口，加配既醬汁甜甜地，但略嫌有點油價錢不算太划算。