勝面 (已結業)

近排突然好掛住台灣既牛肉麵，但宜家唔駛飛去台灣都可以食到好味既麵，今日食呢間位於好就腳既朗豪坊上面。勝面裝修以白色為主，簡簡單單，枱仲係雲石紋，打卡一流👏佢定價都同一般台式餐廳無異，只係某幾款菜比較小貴，麵、飯類、滷味、珍奶同甜品都有齊，款式夠多👍🏾我今日就叫左全場最貴既招牌麻辣牛三寶麵，麵可以揀關廟麵、米粉同刀削麵，我揀左刀削麵。牛三寶即是牛頸脊肉、牛頰肉同牛腱心三種不同既肉。三款肉都有肉味，有嚼勁。湯底係又麻又辣，偏油，配刀削麵煙煙韌韌又幾掛湯。除左有牛肉外，仲有埋鴨血係入面，鴨血唔腥，幾彈牙唔會一咬就散，有驚喜。鹽酥雞滷肉飯鹽酥雞好入味，脆酥得黎好juicy, 推介！滷肉亦好夠味，白飯小偷，好想添飯👍🏾👍🏾芝士肉鬆雞蛋手抓餅呢個亦都係必點！手抓餅外脆入面仲好煙韌，餡料係芝士、肉鬆、雞蛋呢三樣超夾既，芝士仲拉絲添❗️🤤🤤招牌仙草凍未食淨係睇個樣都好吸引，一粒粒彩色既芋圓，金黃色既珍珠都好彈牙，最正係有芋頭蓉畫龍點睛🥰🥰🥰珍珠奶茶呢到既珍珠係金黃色，味道比較淡啲，但佢既奶茶真係好香滑，有啲似茶餐廳奶茶既味道，比較醇厚👍🏾👍🏾佢既出品真係高質，食過一次會想再食，希望會再出多啲唔同口味既手