Happy GLAZE (已結業)

全港首創既新甜品 大大塊酥皮 就好似燙平咗嘅牛角包一樣 金黃酥脆《草莓特大牛角酥🍓》雖然好薄 但都能感受到酥皮層層疊加既豐富口感草莓既鮮味 得以保留 唔會太甜《杏仁特大牛角酥》酥皮的脆爽感迅速佔據口腔杏仁既香濃 係嘴裡面瀰漫開黎《黑芝麻維他奶布甸》一見到個盒有維他奶icon 就好想試因為好少甜品用到維他奶布甸質地柔滑細膩 維他奶甜味貫穿整個布甸黑芝麻味道濃郁而不過於厚重.《提拉米蘇》方型盒份量一d唔細 好重稱蛋糕層濕潤軟綿 Cream亦夠哂濃郁滑順咖啡味香濃 加埋可可粉既微苦係好唔錯好經典既tiramisu 濃郁不過甜 更帶有微妙的酒香.《焦糖脆餅曲奇🍯🍪》一整塊lotus餅乾已經夠吸睛變相成為雙層曲奇 咬落去口感特別酥脆 均勻地散發著焦糖既濃郁香氣 同香甜.《玉桂蘋果脆脆曲奇🍎🍪》Apple crumble口感既鬆脆又酥軟玉桂味非常香濃 香甜中帶有微微辛香.曲奇要早d黎買先得 小編今日放工過黎都未天黑 已經得返好少味揀了好多都sold out 特別一提 小店連裝曲奇個紙袋都特別用心思紙質厚實而且吸油 拎上手唔會油冧冧