夜貓。燒

營業中

休息中

今日放假約朋友傾計，佢帶我去元朗尋到間超正串燒店！隱世但食物質素絕對無得彈，每串都燒得金黃靚仔，份量仲大過出面好多，抵食到想encore十次！🔥必試招牌串燒：• 蜜燒雞中翼：外皮焦香帶蜜甜，咬開肉質嫩滑多汁，蜜糖香滲透每絲雞肉，一串過癮！• 雞全翼：大大隻燒到皮脆肉嫩，連骨都入味，撕開時仲有肉汁爆出，鹹香十足～• 五花腩肉串：肥瘦均勻，油脂香被火喉逼出，咬落脆卜卜唔油膩，鹽燒/醬燒都正！• 煙肉金菇串：煙肉脆香包裹嫩滑金菇，咬開爆汁，鹹鮮味夾雜菇香，一口一個停唔到！• 脆蓉茄子：茄子軟綿入味，表面鋪滿炸得香脆嘅蒜蓉蓉，鹹香惹味，素菜都可以咁吸引！• 豬頸肉串：肉質爽脆有咬口，醬汁調味剛好，帶少少焦香，越嚼越香～老闆火候控制一流，每串都燒得外焦內嫩，絕無燶味！份量真材實料，雞翼、豬頸肉都比出面大份，價錢親民🤣適合朋友仔圍埋開心share～環境簡單貼地，有室外座位吹住風食串燒超chill！