咖啡灣 (荃灣千色匯) (已結業)

服務方面我想比十個嬲嬲年廿九下晝行花市前諗住醫下肚, 兩大一小去咗荃灣咖啡灣, 想坐窗邊咖啡杯, 男侍應唔比, 話繁忙時間唔可以將兩張枱拍埋, 我哋問可唔可以唔拍埋照坐, 男侍應依舊缺乏靈魂咁拒絕, 如果一個人入去食的話佢會安排個咩位比你坐呢? 佢既解釋好牽強。不過算! 年近歲晚, 費事周旋之下坐咗喺近牆四人枱。小朋友食唔晒一份餐, 所以點咗兩份餐,  點餐後問男侍應攞杯水, 佢態度非常晦氣, 唔知以為我哋做咗咩錯事得罪咗佢咁。隔了一段時間, 一位女侍應問仲駛唔駛加其他飲品或甜品, 我哋話唔駛喇, 後來無意間見到餐牌上寫住設最低消費, 多口問一聲女侍應詳情, 佢先至話每個客人要至少要點一樣嘢 , 我哋問如果無點到, 咁係咪會收附加費用, 佢同個冇靈魂男侍應就話, 咩都好, 一定要點。查實佢走嚟問我哋會唔會加嘢食時, 大可以解釋返個最低消費吖, 如果我哋一路唔問的話, 佢哋係咪諗住去到埋單先講?食物一般, 但服務質素就好差, 我唔明點解呢間cafe會有成300個, 我會叫荃灣友唔好幫襯!!!!!!!!!!!