影片
更多
2015-07-22
3778 瀏覽
第一次因為激氣而寫食評。因為公司在附近，所以去過呢間餐廳食lunch好幾次，一直頗為滿意，甚至開心自己搵到一間稱心的“飯堂”。前幾日先至諗住等週末得閒寫一篇食評贊下呢間餐廳。點知佢今日就搞到我火滾，的確係要即刻寫食評，不過係差評。以前中意呢度，除左因為佢刺身款式多而且算新鮮，環境尚算舒適，仲有好重要一點係服務唔錯，我係一個對食物多要求嘅人，因為身體同keep fit嘅原因，有比較多嘅野唔食，所以每次黎呢度食佢地嘅lunch set，我都希望換一換套餐入邊嘅某啲食物，例如，前菜，佢地通常會俾中華沙律，但我因為身體原因唔可以食海帶同海草呢類高碘食物，之前每次staff都話可以換青瓜螺肉（佢地話本身就係有中華沙律同青瓜螺肉兩種揀，唔係因為我特別要求）；又例如壽司套餐，刺身套餐裡的八爪魚，我嫌八爪魚膽固醇高，同埋好多餐廳嘅八爪魚都韌到咬唔爛，所以我會要求換走八爪魚；壽司套餐的加州卷，我唔食牛油果，腐皮壽司，腐皮係炸過嘅食物，我唔食，呢啲我都會要求換第樣。多次試過佢地嘅帆立貝，不是太好，唔夠鮮甜，所以有帆立貝我會要求換第樣。以往呢啲要求佢地全都一一滿足，的確係抵贊。不過今日唔係了，更令我嬲嘅係職
因為公司在附近，所以去過呢間餐廳食lunch好幾次，一直頗為滿意，甚至開心自己搵到一間稱心的“飯堂”。前幾日先至諗住等週末得閒寫一篇食評贊下呢間餐廳。點知佢今日就搞到我火滾，的確係要即刻寫食評，不過係差評。
以前中意呢度，除左因為佢刺身款式多而且算新鮮，環境尚算舒適，仲有好重要一點係服務唔錯，我係一個對食物多要求嘅人，因為身體同keep fit嘅原因，有比較多嘅野唔食，所以每次黎呢度食佢地嘅lunch set，我都希望換一換套餐入邊嘅某啲食物，例如，前菜，佢地通常會俾中華沙律，但我因為身體原因唔可以食海帶同海草呢類高碘食物，之前每次staff都話可以換青瓜螺肉（佢地話本身就係有中華沙律同青瓜螺肉兩種揀，唔係因為我特別要求）；又例如壽司套餐，刺身套餐裡的八爪魚，我嫌八爪魚膽固醇高，同埋好多餐廳嘅八爪魚都韌到咬唔爛，所以我會要求換走八爪魚；壽司套餐的加州卷，我唔食牛油果，腐皮壽司，腐皮係炸過嘅食物，我唔食，呢啲我都會要求換第樣。多次試過佢地嘅帆立貝，不是太好，唔夠鮮甜，所以有帆立貝我會要求換第樣。以往呢啲要求佢地全都一一滿足，的確係抵贊。
不過今日唔係了，更令我嬲嘅係職員嘅態度。呢日因為係週五中午，寧捨多人，我被安排坐在靠門口的位置，serve呢區嘅staff唔係先前黎遇到嗰啲staff。
點菜時係個女staff，我話要“牛肉烏冬set加個xx刺身拼盤，但要改啲野，前菜轉成青瓜螺肉”，
佢一聽就語氣唔好咁話“冇得轉喔”，
我話之前我次次黎都可以轉，然後佢冇回應就行開左，同一個似係manager嘅男staff講左句，應該係話我要轉餐入邊嘅食物（個女staff之後冇理過我，做佢自己野）。
個男staff聽完冇反應，冇黎答我，繼續為其他客人帶位，一直帶左好幾枱客人，我實在忍唔住嗌住佢，問佢可唔可以轉。
佢眼睛碌左兩下，思考左一陣，話“唔轉得，今日冇青瓜螺肉”。
我心諗，如果真係冇，點解你要諗下先至答我？ 好似係諗藉口呃我喔。
好，就當你真係冇，然後我話我仲有其他野想轉，
佢一聽好似好唔情願咁話：“下？有咩轉？” 語氣好差，個樣好串！！
我當堂已經嬲嬲地，洗唔洗咁串？？ 跟住我話：“沙律唔要落沙律醬”，
佢繼續擺住個串樣話“哦”，
我忍唔住問佢“係咪好唔想幫我轉？唔要沙律醬遮，唔係咁都唔得呀？”
佢話“唔係，你講啦”，不過佢個樣繼續串同擺明不情願。
我跟住話要其中一款刺身拼盤“帆立貝轉……＂，我未講完，佢就話呢啲刺身拼盤嘅食材冇得轉，師傅係set好左呢個價錢配呢啲刺身，唔可以轉”，語氣繼續串。
我話“你set左呢個價錢，咁咪按返呢個價俾我第二樣囉，份量可以根據價錢多除少補，貴嘅食材你就俾少啲，咁咪得囉。
（p.s.其實呢度刺身拼盤亦冇咩貴食材，唔會有拖羅海膽呢啲貴野，就係三文魚油甘魚北寄貝甜蝦etc呢啲普通級食材，我亦都唔係要求換貴野，比如有時反而係要求把帆立貝轉馬刀貝呢啲更加平嘅食材）。 跟住佢繼續串串地話：“唔得”。
我話“前日我黎都仲可以轉，宜家就唔得？？ ”
佢話“係呀，師傅話唔得”。我心諗，你都未問過師傅，點知唔得？
既然佢咁又唔得嗰樣又唔得，態度又咁差，我亦都冇興趣喺呢度食了，我話“咁我唔食了”起身即準備走，我仲未走得切，嗰個staff即刻擺個“自便”嘅手勢。
出黎後我成肚火，其實我知我要求多，如果可以，我請願俾多啲錢散嗌自己想食嘅野，但佢地除左晚事放題時段，其他時段冇散嗌，一定係套餐，刺身一定係拼盤。咁死板，難道唔識靈活變通下？或者出多啲選擇俾客人？畢竟你呢度唔係行緊幾十蚊一個餐嘅快餐店茶餐廳路線。
同埋好重要一點係，唔可以轉你就好聲好氣同我解釋，洗唔洗咁串？由最初嗰個女staff，到後黎答我嘅類似manager嘅staff，全部串足全程，我都唔係擺個串樣黎點菜，點解要咁串同我講野？都係嗰句，如果我係去茶餐廳，我唔會咁多要求，你咁嘅態度我唔會出奇，但我黎你呢度食個total 200幾蚊嘅lunch，你俾咁少選擇同咁嘅服務態度我，我覺得係有問題囉。
仲有，由頭到尾，我覺得原因根本唔係唔俾轉，而係今日客人多，佢地費事嗮時間去幫我轉（其實亦並唔浪費幾多時間），從話“今日冇青瓜螺肉”到“師傅話唔俾轉”呢啲說話，我覺得全部都係搪塞我的藉口。
下邊有篇同樣批評佢地服務質素差嘅食評，綜合我自己嘅經驗黎睇，我只可以話呢間餐廳職員質素參差不齊。有啲staff真係唔錯，有禮貌，宜家諗返嗰啲可能係新仔？新仔戰戰兢兢有禮貌同落力啲為你服務。相反有啲staff就持住自己資歷老，對客人態度隨隨便便。
呢間鋪舊年新開張嗰段時間，服務更好。當時仲冇咩客。宜家做旺左，服務就嚴重退步，呢個係好多餐廳嘅通病。但都有例外，尖沙咀旺角有唔少大熱放題餐廳客人爆滿但職員都一樣態度殷勤。希望呢個餐廳警醒啦。
至於佢地嘅食物質素係咪真有如下邊好多食評講嘅咁好，我覺得又未至於。
有次我點個“竹”刺身拼盤（午市），唔知點解器皿底部好大一攤水，啲水浸住啲刺身一半，唔係冰融化後的水，因為午市佢地唔會用冰墊在刺身下面。唯一解釋就係嗰地係刺身解凍流下的水。雖然冇太影響味道，但睇落好核突。
同埋前面提過，佢地嘅帆立貝刺身不太靚，而且係一開二，大大影響口感，咁嘅價位唔應該係呢個質素。其他刺身ok.
一次差嘅經歷就可以抵消以往咁多次累計落黎嘅讚賞，好評變差差評。
張貼